Naga Chaitanya: కాంబినేషన్లను నమ్ముకుంటున్న చైతన్య.. కానీ?

అక్కినేని హీరోలలో ఒకరైన నాగచైతన్య క్లాస్ హీరోగా తనకంటూ ప్రత్యేక గుర్తింపును సొంతం చేసుకోవడంతో పాటు తను హీరోగా నటించిన సినిమాలలో మెజారిటీ సినిమాలతో విజయాలను అందుకున్నారు. గత నెలలో థియేటర్లలో విడుదలైన థాంక్యూ సినిమా కూడా నాగచైతన్యకు సక్సెస్ ను అందిస్తుందని చాలామంది భావించారు. అయితే బాక్సాఫీస్ వద్ద థాంక్యూ సినిమా డిజాస్టర్ గా నిలిచింది. ఈ సినిమా వల్ల బయ్యర్లకు భారీస్థాయిలో నష్టాలు వచ్చాయి. అయితే దిల్ రాజు రెగ్యులర్ బయ్యర్లకే ఈ సినిమా హక్కులను ఇవ్వడంతో

తర్వాత సినిమాల ద్వారా నష్టాలను భర్తీ చేస్తానని దిల్ రాజు బయ్యర్లకు హామీ ఇచ్చారని బోగట్టా. అయితే థాంక్యూ సినిమా ఫలితంతో చైతన్య భవిష్యత్తు ప్రాజెక్ట్ ల విషయంలో ఆచితూచి నిర్ణయాలు తీసుకుంటున్నారు. చైతన్య వెంకట్ ప్రభు డైరెక్షన్ లో ఒక సినిమాకు పరశురామ్ డైరెక్షన్ లో ఒక సినిమాకు గ్రీన్ సిగ్నల్ ఇచ్చారనే సంగతి తెలిసిందే. చైతన్య వెంకట్ ప్రభు కాంబో మూవీలో కృతి శెట్టి హీరోయిన్ గా నటిస్తుండగా చైతన్య పరశురామ్ కాంబో మూవీలో రష్మిక హీరోయిన్ గా నటిస్తున్నారు.

ఈ సినిమాకు రష్మిక డేట్లు కేటాయించలేదని రష్మిక కేటాయించే డేట్ల ఆధారంగా చైతన్య రష్మిక కాంబో సీన్లను తెరకెక్కించాలని దర్శకుడు పరశురామ్ భావిస్తున్నారని సమాచారం అందుతోంది. మజిలీ సినిమా సక్సెస్ లో సమంత, లవ్ స్టోరీ సక్సెస్ లో సాయిపల్లవి, బంగార్రాజు సక్సెస్ లో నాగార్జున, కృతి పాత్ర ఉందని చైతన్య నమ్ముతున్నారు. ఈ కారణం వల్లే క్రేజ్ ఉన్న హీరోయిన్లు, దర్శకులకు చైతన్య ప్రాధాన్యత ఇస్తున్నారు.

చైతన్య నటించిన లాల్ సింగ్ చద్దా మరో 48 గంటల్లో థియేటర్లలో విడుదల కానుంది. బింబిసార, సీతారామం సినిమాలు సక్సెస్ సాధించడంతో ఈ వారం రిలీజ్ కానున్న సినిమాలకు థియేటర్లను కేటాయించడం కష్టమవుతోంది. ఇతర సినిమాలతో పోల్చి చూస్తే కార్తికేయ2 సినిమాకు ఎక్కువ సంఖ్యలో థియేటర్లు దొరకడం లేదని తెలుస్తోంది.