The Raja Saab: రాజాసాబ్.. రాధేశ్యామ్ ను గుర్తుచేస్తోందిగా!

పాన్ ఇండియా స్టార్ ప్రభాస్ (Prabhas)  సినిమాల కోసం ప్రేక్షకులు ఎల్లప్పుడూ ఆసక్తిగా ఎదురుచూస్తుంటారు. బాహుబలి (Baahubali), సాహో (Saaho) తర్వాత ప్రభాస్ ఓ రేంజ్‌లో కథలు ఎంచుకుంటున్నా, అవి తెరపై కనిపించేందుకు మాత్రం బాగా ఆలస్యం అవుతోంది. తాజాగా ఆయన నటిస్తున్న ‘రాజాసాబ్’ (The Rajasaab) సినిమా విషయంలోనూ అదే జరుగుతుండటంతో ఫ్యాన్స్ అసంతృప్తి చెందుతున్నారు. ఈ సినిమా షూటింగ్ మూడేళ్ల క్రితమే ప్రారంభమైందని, కానీ ఇంకా విడుదల తేదీ ఖరారు చేయకపోవడం ఆశ్చర్యంగా మారింది.

The Raja Saab

మారుతి (Maruthi Dasari)  దర్శకత్వంలో తెరకెక్కుతున్న ‘రాజాసాబ్’ (The Raja Saab) ఒక హారర్ కామెడీ జోనర్‌లో తెరకెక్కుతోంది. ఎప్పుడో అనౌన్స్ చేసిన ఈ ప్రాజెక్ట్ ఇప్పటికీ రిలీజ్‌కు సిద్ధంగా లేకపోవడంపై ప్రభాస్ అభిమానులు సోషల్ మీడియాలో విరుచుకుపడుతున్నారు. సమ్మర్ చివర్లో సినిమా వస్తుందన్న మాటలు వినిపించినా, వీఎఫ్‌ఎక్స్ పనులు ఇంకా మిగిలే ఉన్నాయని తాజా సమాచారం. దీంతో మళ్ళీ అనవసరమైన ఆలస్యం అన్న విమర్శలు మొదలయ్యాయి.

ఈ పరిస్థితి చూస్తే ‘రాధేశ్యామ్’ (Radhe Shyam) సినిమా గుర్తొస్తోంది. అప్పట్లో ఆ సినిమా విషయంలో కూడా అదే విధంగా ఫ్యాన్స్ ఎదురుచూశారు. అప్డేట్స్ రాలేదు, ఆలస్యం జరిగింది. ఆ తర్వాత సినిమా ఫలితం నిరాశ కలిగించింది. ఇప్పుడు అదే ట్రెండ్ ‘రాజాసాబ్’లో రిపీట్ అవుతుందా అనే అనుమానాలు వ్యక్తమవుతున్నాయి. మారుతి దర్శకత్వంలో సినిమా అంటే ఫాస్ట్ పేస్‌గా ఉంటుంది అనే అంచనాలకు ఇది భిన్నంగా మారుతోంది.

ప్రభాస్ కూడా గతంలో ఏడాదికి రెండు సినిమాలు తీసుకురావాలనే సంకల్పం తీసుకున్న సంగతి తెలిసిందే. కానీ ప్రస్తుతం ఆయన నటిస్తున్న సినిమాల ప్రోగ్రెస్ చూసుకుంటే, ఆ లక్ష్యం దాదాపు అసాధ్యంగా కనిపిస్తోంది. ‘రాజాసాబ్’, ‘ఫౌజీ’ సినిమాలు ఈ ఏడాది విడుదల అవుతాయని అభిమానులు ఆశపడుతున్నా, వీటి పరిస్థితి కూడా అస్పష్టంగా మారుతోంది.

ఈ తరుణంలో ‘రాజాసాబ్’కు సంబంధించి ఒక స్పష్టమైన రిలీజ్ డేట్, ప్రమోషనల్ స్ట్రాటజీ అవసరం ఉంది. సలార్ (Salaar) , కల్కి 2898ఏడీ (Kalki 2898 AD)  లాంటి హిట్స్ తర్వాత ప్రభాస్ నుంచి వస్తున్న ఈ సినిమాలపై అంచనాలు భారీగా ఉన్నాయి. మరి మారుతి రూపొందిస్తున్న ఈ భిన్నమైన కథ, టైటిల్‌కి తగ్గతనాన్ని తెరపై చూపించగలదా లేక రాధేశ్యామ్ మాదిరిగా ఫ్యాన్స్‌ను నిరాశపరచుతుందా అన్నది తెలియాల్సి ఉంది.