టాలీవుడ్‌లో హీరోహీరోయిన్లు పెళ్లి చేసుకోవడం కొత్తేం కాదు. అయితే ఆ పెళ్లిళ్లలో రాజశేఖర్ – జీవత పెళ్లి చాలా డిఫరెంట్‌ అంటుంటారు. ఆ రోజుల్లో సోషల్‌ మీడియా లేక చాలామందికి తెలియదు కానీ.. ఇప్పటిలా అయితే వాళ్ల గురించి రోజూ పుంఖాను పుంఖాలు రాసేవారు అని చెప్పాలి. ఇటీవల ఓ ఇంటర్వ్యూకి వచ్చిన ఈ ఇద్దరూ తమ ప్రేమ, పెళ్లి గురించి చాలా ఆసక్తికర విషయాలు చెప్పుకొచ్చారు. అవునా! అప్పుడు అలా జరిగిందా అంటూ ఆశ్చర్యపోవడం యాంకర్‌ వంతు, ఆ తర్వాత నెటిజన్ల వంతు అయ్యింది.
‘తలంబ్రాలు’ సినిమాలో తొలిసారి రాజశేఖర్, జీవిత కలసి నటించారు. అంతకుముందే ఓ తమిళ సినిమాలో నటించాల్సి ఉన్నా కొన్ని కారణాల వల్ల ఆ సినిమా నుండి రాజశేఖర్‌ను తప్పించేశారు. అయితే ఆ కారణాలు తెలుసుకుని దగ్గరైన ఈ ఇద్దరూ ఆ తర్వాత వరుస సినిమాలు చేశారు. ఈ క్రమంలో ఒకరి మీద ఒకరికి ఇష్టం, ప్రేమ పెరిగాయి. ఆ తర్వాత ఆ ప్రేమ పెళ్లికి వెళ్తుంది అనుకుంటే.. రాజశేఖర్ ఇంట్లో సినిమా వాళ్లతో పెళ్లి అనే టాపిక్కే నచ్చదని ఆగిపోయారట. కానీ ఇద్దరి పెళ్లి కష్టం అనుకున్నా.. వాళ్ల రిలేషన్‌ మాత్రం సాగిందట.
సినిమాల సెట్స్‌కి వెళ్లడం, కలసి తిరగడం లాంటివి చేశారట. ఈ క్రమంలో ‘మగాడు’ షూటింగ్‌ సమయంలో రాజశేఖర్ గాయపడ్డారు. దీంతో అతనిని హాస్పిట్‌లో జాయిన్‌ చేసి మొత్తం సపర్యలు చేసింది జీవితనే. ఈ క్రమంలో రాజశేఖర్ కుటుంబానికి జీవిత బాగా దగ్గరయ్యారట. తొలుత జీవిత అంటే పడని రాజశేఖర్ తల్లి ఆ తర్వాత నచ్చడం ప్రారంభించారట. ఈ క్రంలో ఓసారి రాజశేఖర్‌ను జీవిత ఫ్రాడ్‌ అని పిలిచారట. నిజానికి ఆమె ఎప్పుడూ అలానే పిలిచేవారట.
‘తలంబ్రాలు’లో జీవితను రాజశేఖర్ పాత్ర మోసం చేస్తుంది. అందుకే ఆ సినిమా తర్వాత అలా పిలిచేవారట. అయితే తల్లి ఎదురుగా రాజశేఖర్‌ను అలా పిలవడంతో ఆమె ఆగ్రహం వ్యక్తం చేశారట. దాంతో అర్థం చేసుకున్న జీవిత అప్పటి నుండి రాజశేఖర్‌ను బంగారం అని పిలవడం ప్రారంభించారట. ఇప్పుడూ అలానే పిలుస్తున్నారట. ఆ పిలుపు నుండే రాజశేఖర్ సినిమా ‘మా ఆయన బంగారం’ వచ్చింది అని ఆమె చెప్పారు కూడా.
విరూపాక్ష సినిమా రివ్యూ & రేటింగ్!
గత 10 సినిమాల నుండి సాయి ధరమ్ తేజ్ బాక్సాఫీస్ పెర్ఫార్మన్స్ ఎలా ఉందంటే..?
శాకుంతలం పాత్రలో నటించిన హీరోయిన్ లు వీళ్లేనా?
కాంట్రవర్సీ లిస్ట్ లో ఆ సినిమా కూడా ఉందా?
Home