Venkatesh, Anil Ravipudi: వెంకీ – అనిల్‌ ‘ఎక్స్‌’ సందడి మొదలు.. ఆ రోజే వస్తాం అంటూ..

టాలీవుడ్‌లో కొన్ని కాంబినేషన్లలో సినిమాలు ఎన్ని వచ్చినా చూడాలని అనిపిస్తుంది. అంతగా ఆ సినిమాలు జనాల మీద ఇంపాక్ట్‌ చూపించాయి. అలాంటి కాంబినేషన్లలో వెంకటేశ్‌ (Venkatesh)  – అనిల్‌ రావిపూడి (Anil Ravipudi) ఒకటి.‘ఎఫ్‌ 2’, (F2 Movie) , ‘ఎఫ్‌ 3’ (F3 Movie)  సినిమాలతో అదరగొట్టిన ఈ జోడీ.. ఇప్పుడు కొత్త సినిమా ప్రారంభించింది. తాజాగా ఈ సినిమా సెట్‌లోకి కథానాయకుడు వెంకటేశ్‌ వచ్చారు. ఆ విషయాన్ని తెలియజేస్తూ సినిమా టీమ్‌ ఓ వీడియో రిలీజ్‌ చేసింది. దాంతోపాటు ఎక్కడో ఉన్న చిన్న డౌట్‌ని క్లియర్‌ చేసేసింది.

Venkatesh, Anil Ravipudi

గత రెండు సినిమాలు చూశాక.. వెంకీ, అనిల్‌ కలిస్తే వెండితెరపై ఎంటర్‌టైన్‌మెంట్‌కి కొదవే ఉండదు అని ఈజీగా చెప్పేయొచ్చు. ఇప్పుడు #VenkyAnil3 అనే వర్కింగ్‌ టైటిల్‌తో ఓ సినిమా చేస్తున్నారు. నిజానికి ఈ సినిమా కాన్సెప్ట్‌ కూడా చెప్పేశారు. ఆ లెక్కన సినిమా పేరు కూడా దాదాపు తెలిసిపోయింది. ఆ విషయం పక్కన పెడితే.. సినిమా రిలీజ్‌ డేట్‌ విషయంలో ఉన్న డౌట్‌ను కూడా క్లియర్‌ చేసేసింది టీమ్‌.

ప్రస్తుతం ఈ సినిమా షూటింగ్‌ తమిళనాడులోని పొల్లాచ్చిలో జరుగుతోంది. తాజాగా ఈ సినిమా సెట్స్‌లో వెంకటేశ్‌ అడుగుపెట్టారు. ఈ మేరకు షూటింగ్‌ లోకేషన్స్‌లోని విజువల్స్‌ వీడియోను రిలీజ్‌ చేశారు. వెంకటేష్‌ లుంగీ కట్టి, కళ్లజోడుతో వెంకటేశ్‌ కొత్త లుక్‌లో కనిపించాడు. ‘‘మాజీ పోలీసాఫీసర్‌ ఫుల్ ఎనర్జీతో తిరిగి తన డ్యూటీని మొదలుపెట్టాడు’’ అని రాసుకొచ్చింది టీమ్‌. ట్రయాంగిల్‌ లవ్‌ కమ్‌ క్రైమ్‌ కమ్‌ ఎంటర్‌టైన్మెంట్‌ జోనర్‌లో రూపొందుతున్న సినిమాను 2025 సంక్రాంతి బరిలో రిలీజ్‌ చేస్తున్నట్టు మరోసారి టీమ్‌ అనౌన్స్‌ చేసింది.

ఇప్పటికే ఈ ప్రకటన వచ్చేయగా.. ఇంకా వెంకటేశ్‌ షూటింగే స్టార్ట్‌ చేయలేదు, ఎలా సాధ్యం అనే సన్నాయి నొక్కులు వినిపించాయి. తాజాగా వీడియోతో క్లారిటీ ఇచ్చేసింది టీమ్‌. సినిమాలో వెంకటేష్‌ సరసన మీనాక్షి చౌదరి (Meenakshi Chaudhary) , ఐశ్వర్య రాజేష్‌ (Aishwarya Rajesh) హీరోయిన్లుగా నటిస్తున్నారు. ఎక్స్‌ లవర్‌, ఎక్స్‌ పోలీసు, ఎక్స్‌లెంట్‌ వైఫ్‌ మధ్య జరిగే కథ ఈ సినిమా.

జీవితానికి గౌరవం ఎక్కడుంది.. ఉపాసన షాకింగ్ కామెంట్స్ వైరల్!