‘భోళా శంకర్’ వంటి డిజాస్టర్ సినిమా తర్వాత కళ్యాణ్ కృష్ణ కురసాల దర్శకత్వంలో చిరు ఓ సినిమా చేయాలి. కానీ ఆ టైంలో సేఫ్ గేమ్ ఆడితే బెటర్ అని భావించి ‘బింబిసార’ దర్శకుడు మల్లిడి వశిష్ట్ కి ఛాన్స్ ఇచ్చారు చిరు. వీరి కాంబినేషన్లో ‘విశ్వంభర’ (Vishwambhara) సెట్స్ 2023 సెకండాఫ్ లో సెట్స్ పైకి వెళ్ళింది. 2025 సంక్రాంతి కానుకగా జనవరి 10న ఈ సినిమా రిలీజ్ అవుతుంది అని 2024 సంక్రాంతి టైంలోనే అనౌన్స్ చేశారు.
కానీ ఎప్పుడైతే గ్లింప్స్ బయటకు వచ్చిందో.. అప్పుడు రిలీజ్ ప్లానింగ్ అంతా మారిపోయింది. వి.ఎఫ్.ఎక్స్ పనులు సకాలంలో పూర్తి కాకపోవడం వల్ల 2025 సంక్రాంతి రేసు నుండి సినిమా తప్పుకుంది. ఆ తర్వాత కొత్త రిలీజ్ డేట్ ని ఇప్పటివరకు ప్రకటించింది లేదు. మరోపక్క అనిల్ రావిపూడి దర్శకత్వంలో చిరు చేస్తున్న సినిమా షూటింగ్ చకచకా జరిగిపోతుంది.
‘విశ్వంభర’ ఎప్పుడు రిలీజ్ అవుతుందో అర్థం కాని పరిస్థితి ఏర్పడింది ఇప్పుడు. వి.ఎఫ్.ఎక్స్ కోసం మళ్ళీ ప్యాచ్ వర్క్ చేస్తున్నారు. ఔట్పుట్ రావడానికి మరో 4 నెలలు టైం పట్టినా ఆశ్చర్యపోనవసరం లేదు. ఈ గ్యాప్ లో మంచి రిలీజ్ డేట్ పట్టడం కూడా కష్టంగా మారింది. ఎలా చూసుకున్నా 2025 లో ‘విశ్వంభర’ రిలీజ్ అయ్యే అవకాశాలు కనిపించడం లేదని తెలుస్తుంది.
అనిల్ రావిపూడి సినిమాని సంక్రాంతికి తప్పించే అవకాశం లేదు. కాబట్టి.. 2026 సమ్మర్ వరకు ‘విశ్వంభర’ రాకపోవచ్చు అనే టాక్ ఇప్పుడు ఎక్కువగా వినిపిస్తుంది. ఇందులో ఎంతవరకు నిజముందో తెలియాలంటే ఆగస్టు 22న అంటే చిరంజీవి పుట్టినరోజు వరకు ఎదురు చూడాల్సిందే.
Home