‘ఎఫ్ 2’ (F2), ‘ఎఫ్ 3’ (F3).. ఈ సినిమాలకు సంబంధించి ప్రచారం సమయంలో దర్శకుడు అనిల్ రావిపూడి (Anil Ravipudi)ని చూసి ‘ఏంటీ ప్రచారం.. ఎవరిదీ ప్లానింగ్’ అని అనుకున్నారు టాలీవుడ్ జనాలు. ‘భగవంత్ కేసరి’ (Bhagavanth Kesari), ‘సంక్రాంతికి వస్తున్నాం’ (Sankranthiki Vasthunam) సినిమాలు వచ్చాక ఆ మొత్తం బాధ్యతలు ఆయనే భుజానికి వేసుకొని నడుపుతున్నారు అని తెలిసింది. కొంతమంది దర్శకుల్లా ఈ పనులు బాగా చేసి సినిమాను సరిగ్గా తీయరు అనే విమర్శ కూడా లేదు. ఎందుకంటే నాన్ పాన్ ఇండియా సినిమాలు చేస్తూ 100 శాతం స్ట్రయిక్ రేట్తో నడుస్తున్న దర్శకుడు ఆయన.
ఇప్పుడు ఆయన గురించి ఇదంతా ఎందుకు అనుకుంటున్నారా? ఆయన సినిమా షెడ్యూల్స్ను చకాచకా ముగిస్తుండటంతో మరోసారి ఆయన పనితనం గురించి చర్చలు మొదలయ్యాయి. మెగా 157 (రఫ్ఫాడించేద్దాం) సినిమా ముస్సోరి షెడ్యూల్ను అనిల్ రావిపూడి ముగించారు. చిన్న చిన్న షెడ్యూల్స్కి ప్లానింగ్ చేసుకుని చకా చకా ముగించేస్తున్నారు ఆయన. చిరంజీవి (Chiranjeevi), నయనతార (Nayanthara), కేథరిన్ మీద కీలక సన్నివేశాలు తెరకెక్కించారట అక్కడ. ఇంత కాస్టింగ్తో అలా ముగించడం వెనుక పెద్ద ప్లానింగే ఉంది అని చెప్పాలి.
ఇక వచ్చే నెల మొదటి వారంలో హైదరాబాద్లో మరో షెడ్యూల్ ప్రారంభిస్తారట. ఈ సారి చిరంజీవి, వెంకటేశ్ (Venkatesh), నయనతార పాత్రల మీద షూటింగ్ ఉంటుంది అని చెబుతున్నారు. త్వరలోనే అఫీషియల్ అనౌన్స్మెంట్ ఉంటుంది అని చెబుతున్నారు. సంక్రాంతికి ‘రఫ్ఫాడించేద్దాం’ అని ముందుగా టార్గెట్ ఫిక్స్ చేసుకుని సినిమా చేస్తుండటంతో ప్లానింగ్ ప్రకారం షెడ్యూల్స్ నడిపిస్తున్నారట.
ఈ రోజుల్లో షెడ్యూల్ – వాయిదాలు పెనవేసుకుని స్టార్ హీరోల సినిమాలు నడుస్తున్నాయి. మరి అనిల్కి ఇలా ఎలా సాధ్యమవుతోంది అనేది ఆయనే చెప్పాలి.అన్నట్లు ముస్సోరి షెడ్యూల్ అయిపోయింది అని చెబుతూ నిన్న అనిల్ రావిపూడి (Anil Ravipudi) ఓ పోస్టర్ రిలీజ్ చేశారు. అందులో చిరంజీవి, నయనతార (Nayanthara) ఫొటోలు బ్లర్ చేసి పెట్టారు. చూచాయగా కనిపిస్తున్న చిరు లుక్ అయితే అదిరిపోయింది అని చెప్పాలి.
