చిరంజీవి సినిమాల్లో మరో హీరో నటిండం ఇటీవల కాలంలో ఎక్కువైపోయింది. సినిమాలో అవసరం పడుతోందో లేక కావాలనే ఇంకో హీరోను యాడ్ చేస్తున్నారో కానీ.. ఏదో విధంగా చిరంజీవిని సోలోగా చూద్దాం అనుకునేవాళ్లకు అవకాశమే రావడం లేదు. అయితే చిరుతో స్క్రీన్ షేర్ చేసుకుందాం అనుకునేవారికి మాత్రం పండగే. ఇప్పుడు ఈ స్క్రీన్ షేర్ చర్చ ఎందుకు అనేగా మీ ప్రశ్న? ఎందుకంటే ‘భోళా శంకర్’ సినిమాలో కూడా ఇదే పరిస్థితి అంటున్నారు.
‘భోళా శంకర్’ సినిమాకు మాతృక అయిన ‘వేదాళం’ చూసినవాళ్లకు ఈ సినిమాలో ఇంకో హీరో ఉంటాడు అని ప్రత్యేకంగా చెప్పక్కర్లేదు. అయితే తమిళంలో ఆ పాత్ర కోసం పెద్ద పేరున్న హీరోను తీసుకోలేదు. కానీ తెలుగు వరకు వచ్చేసరికి కాస్త మార్పులు చేస్తున్నారట. అంతేకాదు ఆ పాత్ర కోసం కాస్త పేరున్న హీరోనే తీసుకుందాం అనుకుంటున్నారని వార్తలొచ్చాయి. ఒకరిద్దరు కుర్ర హీరోల పేర్లు కూడా వినిపించాయి. ఆ సంగతి పక్కనపెడితే ఇప్పుడు మరో హీరో పేరు వినిపిస్తోంది.
ఆ హీరోనే రామ్చరణ్. అవును చరణ్ – చిరు మళ్లీ కలసి నటిస్తున్నారని చెబుతున్నారు. వినడానికి, నమ్మడానికి అంతగా అనువుగా లేని ఈ వార్త బుధవారం సాయంత్రం నుండి టాలీవుడ్ వర్గాల్లో, తెలుగు సినిమా సోషల్ మీడియా వర్గాల్లో చక్కర్లు కొడుతోంది. దీనికి కారణం ‘భోళా శంకర్’ సినిమా సెట్లో రామ్చరణ్ కనిపించడమే. చరణ్ ఊరికనే ఎందుకు వెళ్తాడు. సినిమాలో నటిస్తున్నాడేమో అని ఆ చర్చల సారాంశం.
అయితే ‘భోళా శంకర్’లో చరణ్కు తగ్గ పాత్ర లేదు. కీర్తి సురేశ్కు భర్తగా ఓ పాత్ర ఉంది కానీ.. దానికి చరణ్ లాంటి స్టార్ హీరో అక్కర్లేదు. దీంతో అయితే చరణ్ ‘ఖైదీ నెం. 150’ లాగా ఏదైనా పాటలో కనిపించాలి, లేదంటే సీన్ అయినా చేయాలి. ఇంకా లేదంటే ఏదో తండ్రి సినిమా షూటింగ్ చూడటానికి వెళ్లుండాలి. అన్నట్లుగా బుధవారం నుండి ‘భోళా శంకర్’ మంచి బీట్ ఉన్న ఫాస్ట్ సాంగ్కి స్టెప్పులేస్తున్నాడని టీమ్ కూడా చెప్పింది. అది చూడటానికి వెళ్లాడేమో.
రైటర్ పద్మభూషణ్ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
