హీరోయిజం బాగా పండాలి అంటే.. అటు వైపు విలన్ ను గట్టోడిని పెట్టేసి.. వాడిని హీరో ఎగరేసి ఎగరేసి కొడితే సరిపోతుంది అని అనుకునేవాళ్లు అప్పట్లో..! అలాగే ఇప్పుడు కూడా తీస్తే.. ప్రేక్షకులు ఆ సినిమాని పక్కన పెట్టెయ్యడం ఖాయం. అలా అని విలన్ ని ఎక్కువ హైలెట్ చేసినా సినిమా తేడా కొట్టేస్తుంది. హీరోతో సమానంగా విలన్ క్యారెక్టర్ ఉండేలా ప్రెజెంట్ చెయ్యాలి. ఆ తరువాత హీరో విలన్ ని కండలతో కాదు మైండ్ గేమ్స్ తో పతనం చెయ్యాలి. ఇప్పటి ఆడియెన్స్ కు అదే కావాలి. ఇదొక పార్ట్ అనుకుంటే మరొకటి ఉంది.. ఇప్పటి దర్శకనిర్మాతలకు హీరో, హీరోయిన్స్ ను సెట్ చెయ్యడమే ఓ పెద్ద టాస్క్ అనుకుంటే.. ఇప్పుడు విలన్ ను సెట్ చెయ్యడం కూడా పెద్ద టాస్క్ అయిపోతుంది.
అందుకే ఈ మధ్య కొన్ని సినిమాల్లో.. ఇప్పుడిప్పుడే హీరోలుగా ఎదుగుతున్న వారిని విలన్లుగా పెట్టేస్తున్నారు.తద్వారా సినిమా పై క్రేజ్ ఏర్పడుతుంది అనేది దర్శకనిర్మాతల ప్లాన్.ఇక వారి పాత్రలకు కూడా వెయిట్ ఉండాలి కదా.. అందుకే హీరోలను ముప్పుతిప్పలు పెట్టేస్తున్నట్టు సినిమాలో చూపిస్తున్నారు.సరే ఈ విషయాలన్నీ పక్కన పెట్టేస్తే.. విలన్ డామినేషన్ ఎక్కువైన కొన్ని సినిమా లిస్ట్ ను ఓ లుక్కేద్దాం రండి :
1) మాస్టర్ :
ఈ ఏడాది సంక్రాంతి కానుకగా విడుదలైన ఈ చిత్రంలో స్టార్ హీరో విజయ్ కు ధీటుగా ఉంటుంది విలన్ విజయ్ సేతుపతి పాత్ర. నిజానికి హీరో పాత్ర కంటే విలన్ పాత్రనే ఈ సినిమాలో ఎక్కవగా ఎంజాయ్ చేశారు అనడంలో అతిశయోక్తి లేదు.
2) ధృవ :
ఈ చిత్రంలో హీరో చరణ్ ను తన మైండ్ గేమ్స్ తో ఉక్కిరి బిక్కిరి చేసేస్తుంటాడు విలన్ అరవింద్ స్వామి.
3) స్పైడర్ :
మహేష్ బాబు వంటి స్టార్ హీరోని విలన్ ఎస్.జె.సూర్య పరుగులు పెట్టించేస్తుంటాడు ఈ సినిమాలో..! హీరో అండ్ విలన్ ఎదురుగా ఉంటే.. విలనే ఎక్కువ మాట్లాడుతూ ఉంటాడు.
4) అభిమన్యుడు :
విశాల్ హీరోగా నటించిన ఈ చిత్రంలో కూడా విలన్ అర్జున్ పాత్రే ఎక్కువ హైలెట్ గా నిలుస్తుంటుంది.
5) నానీస్ గ్యాంగ్ లీడర్ :
ఈ చిత్రంలో కూడా అంతే.. విలన్ పాత్రే హైలెట్. హీరోకి చమటలు పట్టిస్తుంటాడు.
6) నిజం :
మహేష్ బాబు వంటి స్టార్ హీరోని విలన్ గోపిచంద్ ఏడిపిస్తూ ఉంటాడు ఈ సినిమాలో..!
7) బాహుబలి 1:
రాజమౌళి తెరకెక్కించిన ఈ మొదటి పార్ట్ లో విలన్ గా రానా నే హైలెట్ గా నిలిచాడు. ప్రభాస్ కంటే ఎక్కువగా అతని ఎలివేషన్స్ ఉంటాయి.
8) సెవెంత్ సెన్స్ :
ఈ చిత్రంలో కూడా హీరో సూర్య పాత్రని విలన్ జానీ పాత్ర డామినేట్ చేస్తుంటుంది.
9) యుద్ధం శరణం :
నాగ చైతన్య హీరోగా నటించిన ఈ చిత్రంలో కూడా విలన్ శ్రీకాంత్ పాత్ర డామినేట్ చేస్తుంటుంది.
10) అతిథి :
మహేష్ బాబు హీరోగా నటించిన ఈ చిత్రంలో విలన్ మురళి శర్మ పాత్ర చాలా డామినేషన్.
11) వర్షం :
ఈ సూపర్ హిట్ చిత్రంలో కూడా ప్రభాస్ ను.. విలన్ గోపీచంద్ పాత్ర డామినేట్ చేస్తుంటుంది.
12) జులాయి :
హీరో విలన్ ఒకేలా ఆలోచిస్తే ఎలా ఉంటుందో .. అలా బన్నీ, సోను సూద్ ల పాత్రలు ఉంటాయి. అందుకే సోనూ సూద్ డామినేషన్ ఎక్కువగా ఉంటుంది.
13) జై చిరంజీవ:
మెగాస్టార్ చిరంజీవి వంటి స్టార్ హీరోని విలన్ అర్బాజ్ ఖాన్ పాత్ర బాగా డామినేట్ చేస్తుంటుంది.
