Godfather Movie: చిరు ఎప్పుడు ఎంట్రీ ఇస్తారో..?

September 22, 2021 / 07:22 PM ISTByFilmy Focus

Join Us

Godfather Movie: చిరు ఎప్పుడు ఎంట్రీ ఇస్తారో..?

మలయాళంలో సూపర్ హిట్ అయిన ‘లూసిఫర్’ సినిమాను తెలుగులో రీమేక్ చేస్తోన్న సంగతి తెలిసిందే. మెగాస్టార్ చిరంజీవి హీరోగా మోహన్ రాజా ఈ సినిమాను డైరెక్ట్ చేస్తున్నారు. ‘గాడ్ ఫాదర్’ అనే టైటిల్ ను ఫిక్స్ చేశారు. ఈ సినిమా షూటింగ్ ఈరోజు ఊటీలో మొదలైంది. ప్రధాన పాత్రలపై కొన్ని కీలక సన్నివేశాలను చిత్రీకరిస్తున్నారు. ఈ రోజు నుంచి రెండు వారల పాటు గ్యాప్ లేకుండా ఈ షెడ్యూల్ ను కొనసాగించనున్నారు.

అయితే ఈ సినిమా సెట్స్ లోకి చిరంజీవి ఎప్పుడు ఎంట్రీ ఇస్తారో చూడాలి. ప్రస్తుతం చిరు ‘ఆచార్య’ సినిమాను పూర్తి చేస్తున్నారు. కొరటాల శివ డైరెక్ట్ చేస్తోన్న ఈ సినిమా త్వరలోనే ప్రేక్షకుల ముందుకు రానుంది. ఈ సినిమా తరువాత చిరు ముందుగా ‘గాడ్ ఫాదర్’ సినిమాను పూర్తి చేస్తారు. రీమేక్ కావడంతో తెలుగు ప్రేక్షకుల అభిరుచి తగ్గట్లుగా.. చిరు ఇమేజ్ కి సూటయ్యే విధంగా కీలకమార్పులు చేశారు. ఈ సినిమాలో మరో హీరోకి కూడా చోటుంది. అయితే అది గెస్ట్ రోల్.

ఆ పాత్రలో సల్మాన్ ఖాన్ కనిపిస్తాడని ప్రచారం జరుగుతోంది. చిత్రబృందం మాత్రం ఈ విషయంపై స్పందించడం లేదు. కేవలం రెండు, మూడు రోజుల కాల్షీట్స్ ఇస్తే సరిపోతుంది. సినిమా చివర్లో ఆ సన్నివేశాలు తీసుకుంటే చాలు. అందుకే ఆ పాత్ర విషయంలో చిత్రబృందం ఏమాత్రం తొందరపడటం లేదు.