అనిల్‌ రావిపూడి సినిమాల్లో ఓ సెంటిమెంట్ ఉంటుంది. ఇప్పటివరకు వచ్చిన ఆయన సినిమాల్లో ఈ పాయింట్‌ను బాగా వాడారు కూడా. అదే గత సినిమా హీరోయిన్‌ సెంటిమెంట్. దీన్ని ఆయన సెంటిమెంట్ అన్నా, అనకపోయినా… రెండో సినిమా నుండి ఇది కొనసాగుతూనే ఉంది. అలా ప్రతి సినిమాలో కనీసం ఇద్దరు హీరోయిన్లు ఉంటారు. అలా ఇప్పుడు తన కొత్త సినిమాలో కనిపించే హీరోయిన్ల సంఖ్య బాగా పెరిగిపోయిందట. కథ ప్రకారం సినిమాలో ఇద్దరు నాయికలు ఉంటారు.
‘ఎఫ్‌ 2’లో మనం ఇద్దరు నాయికల్ని చూశాం కూడా. దీనికి ఆఖరులో అనసూయ ఎంట్రీ యాడింగ్‌. అయితే ‘ఎఫ్‌ 3’ దగ్గరకు వచ్చేసరికి ఆ నాయికల సంఖ్య ఎనిమిదికి చేరిందనేది కొత్త టాక్‌. సినిమాలో కీలక పాత్రలు, అతిథి పాత్రలు కలిపి మొత్తంగా ఎనిమిది మంది ముద్దుగుమ్మలు కనిపిస్తారని అంటున్నారు. అయితే వాళ్లెవరు అనేది పూర్తిగా తెలియకపోయినా కొన్ని పేర్లు బయటకొచ్చాయి. తమన్నా, మెహ్రీన్‌ ఇప్పటికే నాయికలుగా మనకు తెలుసు.
వీళ్లు కాకుండా ఇటీవల కాలంలో చర్చలోకి కొంతమంది నాయికల పేర్లు వచ్చాయి. అందులో ఎవరుంటారు, ఎవరుండరు అనేది తర్వాతి చర్చ. ఇప్పటివరకు వచ్చి పేర్లు చూసుకుంటే సోనాల్‌ చౌహాన్‌, అంజలి, ప్రగ్యా జైశ్వాల్‌, సంగీత, అనసూయ ఉన్నారు. ఇందులో సంగీత ప్రత్యేక పాత్రలో నటిస్తుంటే, మిగిలిన నాయికలు ప్రత్యేక గీతంలో ఉంటారట. వీళ్లు కాకుండా రష్మిక అతిథి పాత్రలో అలా మెరిసి ఇలా వెళ్లిపోతుందట. అలా మొత్తంగా ఈ సినిమాలో ఎనిమిది మంది నాయికలు ఉంటారు.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
Home