Nayanthara, Kamal: కమల్- నయన్.. కాంబో మొత్తానికి సెట్ అయ్యింది.!

గత ఏడాది వచ్చిన ‘విక్రమ్’ మూవీతో చాలా కాలం తర్వాత హిట్టు కొట్టారు కమల్ హాసన్. ఆ సినిమా కోలీవుడ్ ఇండస్ట్రీ హిట్ గా నిలిచిన సంగతి తెలిసిందే. లోకేష్ కనగరాజ్ ఆ చిత్రానికి దర్శకుడు. ఇక కమల్ హాసన్ ప్రస్తుతం ‘ప్రాజెక్ట్ కె’ అదే ‘కల్కి 2898 ఎడి’ చిత్రంలో నటిస్తున్న సంగతి తెలిసిందే. ఆ మూవీలో కమల్ హాసన్ నెగిటివ్ షేడ్స్ కలిగిన పాత్రలో కనిపించబోతున్నట్టు టాక్ నడుస్తుంది. ఆ విషయాన్ని పక్కన పెట్టేస్తే..

కమల్‌ హాసన్‌ మరో ప్రాజెక్టు కి కూడా గ్రీన్ సిగ్నల్ ఇచ్చారు. మణిరత్నం దర్శకత్వంలో కమల్ హాసన్ ఓ సినిమా చేయడానికి రెడీ అవుతున్నారు. గతంలో కమల్- మణిరత్నం కాంబినేషన్లో ‘నాయకుడు’ అనే సినిమా వచ్చి బ్లాక్ బస్టర్ అయ్యింది. ఇద్దరి కెరీర్లో ఆ సినిమా ఓ మైలురాయిగా నిలిచింది. చాలా కాలం తర్వాత ఈ కాంబినేషన్లో మళ్ళీ సినిమా రాబోతుంది అంటే అందరిలోనూ ఆసక్తిని పెంచే అంశం. కమల్‌ హాసన్ కెరీర్లో ఇది 234వ సినిమా.

ఇక ఈ సినిమాలో హీరోయిన్ గా మొదట త్రిషని అనుకున్నారు. కానీ ఇప్పుడు (Nayanthara) నయనతారని ఫైనల్ చేసినట్లు వినికిడి. తమిళంలో దాదాపు అందరి స్టార్ హీరోలతో నయన్ నటించింది. కానీ కమల్ హాసన్ కి జోడిగా ఆమె చేయలేదు. త్వరలోనే ఈ రేర్ కాంబో కూడా సెట్స్ పైకి వెళ్లనుంది. ఏఆర్ రెహమాన్ ఈ చిత్రానికి సంగీతం అందించనున్నట్టు సమాచారం

భగవంత్ కేసరి సినిమా రివ్యూ & రేటింగ్!

లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!