ఉత్తమ సింగర్ అవార్డు రేసులో ఎన్టీఆర్

చిన్నప్పుడే ఉత్తమ బాల నటుడిగా ఎన్టీఆర్ జాతీయ అవార్డు అందుకున్నారు. అప్పటి నుంచి సింహాద్రి, యమదొంగ, టెంపర్, జనతా గ్యారేజ్ చిత్రాలకు ఉత్తమ నటుడిగా పలు సంస్థల నుంచి అవార్డులు సొంతం చేసుకున్నారు. అలా తారక్ కి అవార్డులు కొత్తేమి కాదు. అయితే ఈసారి అందుకోబోయే అవార్డు మాత్రం స్పెషల్. కారణం ఏమిటంటే అతను ఇప్పుడు నామినేట్ అయిన కేటగిరీ ఏమిటో తెలుసా.. గాయకుడు. విచిత్రంగా ఉంది కదూ.. ఎన్టీఆర్ ఇప్పటి వరకు నటుడిగా, డ్యాన్సర్ గా అందరి ప్రశంసలు అందుకున్నారు. యమదొంగ, కంత్రి, అదుర్స్, రభస, నాన్నకు ప్రేమతో సినిమాలో గాయకుడిగా అదరగొట్టారు.

అయితే అతని గానం ఇప్పుడు ప్రొఫిషనల్ సింగర్స్ కే పోటీ ఇవ్వడం ఆశ్చర్యం. గత ఏడాది కన్నడ స్టార్ పునీత్ రాజ్ కుమార్ హీరోగా చేసిన ‘చక్రవ్యూహ’ సినిమా కోసం గెలీయ అనే పాట పాడారు. అది అక్కడి యువతికి తెగ నచ్చేసింది. నచ్చడమే కాదు.. ఆ పాట తో ఎన్టీఆర్ కన్నడ ఫిల్మ్ ఫేర్ అవార్డ్స్ లో, బెస్ట్ డెబ్యూట్ సింగర్ కేటగిరిలో నామినేట్ అయ్యారు. ఈ అవార్డు తప్పకుండా ఎన్టీఆర్ కి వస్తుందని కన్నడ సినీ వర్గాలు వెల్లడించాయి. సో నందమూరి అభిమానులకు మరో పండుగ సిద్ధమయిపోయినట్టే.

Also, do SUBSCRIBE to our YouTube channel to get latest Tollywood updates.