యంగ్ డైరెక్టర్ ప్రశాంత్ వర్మ (Prasanth Varma) ఈ మధ్యే పాన్ ఇండియా స్థాయిలో తన ప్రత్యేకతను ‘హనుమాన్’(Hanu Man) మూవీతో చాటుకున్నాడు. ఈ సినిమా ద్వారా ప్రశాంత్ వర్మ క్రియేట్ చేసిన సూపర్ హీరో యూనివర్స్ ప్రేక్షకుల్ని విశేషంగా ఆకట్టుకుంది. ప్రస్తుతం ఈ సినిమా సీక్వెల్ ‘జై హనుమాన్’ లో మరింత ఇంటెన్స్ స్టోరీతో ప్రేక్షకుల ముందుకు రావడానికి సిద్దమవుతున్నారు. దీపావళి సందర్భంగా విడుదల చేసిన రిషబ్ శెట్టి (Rishab Shetty) ఫస్ట్ లుక్ కి మంచి స్పందన రావడం విశేషం.
ఈ లుక్ హనుమంతుడి పాత్ర ఎంత పవర్ఫుల్గా ఉంటుందో చూపిస్తూ, ప్రేక్షకుల్లో అంచనాలు పెంచేసింది. ‘జై హనుమాన్’ కోసం ప్రశాంత్ వర్మ భారీ బడ్జెట్తో మైత్రీ మూవీమేకర్స్తో కలిసి పని చేస్తున్నారు. సినిమా విజువల్స్ పరంగా సూపర్ స్పెక్టాక్యులర్గా ఉండాలనే టార్గెట్తో ముందుకు వెళ్తున్నారు. గతంలో ‘హనుమాన్’ సినిమాతో మంచి క్లైమాక్స్ ఇచ్చిన ప్రశాంత్ ఈసారి మరింతగా ప్రేక్షకుల మనసు గెలుచుకోవాలని ప్లాన్ చేస్తున్నారు.
హనుమంతుడి పాత్రలో రిషబ్ శెట్టి ఎలా ఆకట్టుకుంటారో అని ఆసక్తిగా ఎదురుచూస్తున్నారు. ఈ సినిమాలో శ్రీరాముడి పాత్రకి సంబంధించిన ప్రస్తావన ఉంటుందా అనే చర్చ కూడా నడుస్తోంది. ఒకవేళ శ్రీరాముడిని సినిమాలో చూపిస్తే, ఆ పాత్ర కోసం ఎవరిని ఎంపిక చేస్తారు అనేది సస్పెన్స్గా మారింది. ‘జై హనుమాన్’ హిట్ అయితే, ప్రశాంత్ వర్మ రేంజ్ కూడా అమాంతం పెరిగే అవకాశాలున్నాయి.
స్టార్ హీరోలు ప్రశాంత్ వర్మ రూపొందిస్తున్న సినిమాటిక్ యూనివర్స్లో భాగం కావాలని ఆసక్తి చూపే అవకాశాలున్నాయి. ప్రభాస్ (Prabhas) వంటి స్టార్ కూడా ప్రశాంత్ వర్మతో సినిమా చేయడానికి ఆసక్తి చూపుతారనే టాక్ ఉంది. మొత్తానికి, ‘జై హనుమాన్’ విజయం ప్రశాంత్ వర్మ కెరీర్లో కీలక మలుపుగా మారనుంది.
