మహేష్, త్రివిక్రమ్.. ఈ ఇద్దరి కాంబినేషన్ కి స్పెషల్ క్రేజ్ ఉంది. వీరిద్దరూ కలిసి చేసిన ‘అతడు’ చిత్రం మంచి హిట్టైంది. మహేష్ కు ఫ్యామిలీ ఆడియన్స్ సపోర్ట్ తెచ్చిపెట్టింది ఈ సినిమానే. అంతేకాదు ఈ చిత్రంతో మహేష్ కు ఓవర్సీస్ లో కూడా మంచి మార్కెట్ ఏర్పడింది. ఇక ఈ చిత్రం తర్వాత వీరి కాంబినేషన్లో వచ్చిన మరో చిత్రం ‘ఖలేజా’. ఈ చిత్రం డిజాస్టర్ అయినప్పటికీ.. టీవీల్లో మాత్రం పెద్ద హిట్టయ్యిందనే చెప్పాలి. ఇప్పటికీ ఈ రెండు చిత్రాలకి హార్డ్ కోర్ ఫ్యాన్స్ ఉన్నారు అంటే.. ఆశ్చర్యపడనవసరం లేదు. ఇక వీరి కాంబినేషన్లో మూడో సినిమా ఎప్పుడుస్తుందా అని మహేష్ అభిమానులే కాదు… తెలుగు ప్రేక్షకులంతా ఎంతో ఆసక్తితో ఎదురుచూస్తున్నారు.
ఇక దేవి శ్రీ ప్రసాద్, త్రివిక్రమ్.. ఈ ఇద్దరి కాంబినేషన్లో కూడా అదిరిపోయే మ్యూజికల్ హిట్స్ వచ్చాయి. ‘జల్సా’ ‘జులాయి’ ‘అత్తారింటికి దారేది’ ‘సన్ ఆఫ్ సత్యమూర్తి’… ఈ ఆల్బమ్స్ అన్నీ సూపర్ హిట్లే. అయితే ‘అ ఆ’ సినిమా నుండీ దేవి శ్రీ ని పక్కన పెట్టేసాడు త్రివిక్రమ్. తరువాత త్రివిక్రమ్ చేసిన ‘అజ్ఞాతవాసి’ ‘అరవింద సమేత’ ఇప్పుడు చేస్తున్న ‘అల వైకుంఠపురములో’ సినిమాలకి దేవి శ్రీ ప్రసాద్ ను తీసుకోలేదు త్రివిక్రమ్.
ఇదిలా ఉంటే.. మహేష్,దేవి శ్రీ లకు త్రివిక్రమ్ తో మనస్పర్థలు వచ్చాయని ఇండస్ట్రీలో టాక్ నడుస్తుంది. నిన్న(నవంబర్ 7న) త్రివిక్రమ్ పుట్టినరోజు కావడంతో త్రివిక్రమ్ అభిమానులు మాత్రమే కాకుండా చాలా మంది సినీ సెలబ్రిటీలు కూడా త్రివిక్రమ్ కు పుట్టినరోజు శుభాకాంక్షలు తెలిపారు. కానీ మహేష్, దేవి శ్రీ లు మాత్రం త్రివిక్రమ్ కు విషెష్ చెబుతూ ఎటువంటి ట్వీట్లు చేయలేదు. అందుకే వీళ్ళ మధ్య గొడవలు ముదిరాయి అని చాలా మంది కామెంట్స్ చేస్తున్నారు. త్రివిక్రమ్ అభిమానులు కూడా చాలా మంది.. మహేష్,దేవి శ్రీ లపై ఫైర్ అవుతున్నారు. నిన్న కమల్ హాసన్, అనుష్క ల పుట్టిన రోజు కూడా.! మహేష్.. కమల్ కు బర్త్ డే విషెష్ చెబుతూ ట్వీట్ చేసాడు. ఇక దేవి శ్రీ కూడా కమల్ హాసన్ కు బర్త్ డే విషెష్ చెబుతూ ట్వీట్ చేసాడు. కానీ త్రివిక్రమ్ విషయంలో వారెందుకు ట్వీట్లు వేయలేదు. త్రివిక్రమ్ కు ట్విట్టర్ అకౌంట్ లేదని వేయలేదా.. అప్పుడు ఫేస్ బుక్ లో కూడా వారు ట్వీట్లు వెయ్యొచ్చు. పోనీ డైరెక్ట్ గా ఫోన్ చేసి విషెష్ కూడా చెప్పుండొచ్చు. పూర్తిగా ఏదీ నిర్దారించలేము..!
తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!
Home