Rajamouli: ఆర్ఆర్ఆర్ అవార్డులపై జక్కన్న షాకింగ్ ట్వీట్ వైరల్!

ఆర్ఆర్ఆర్ మూవీ విడుదలై పది నెలలు కాగా రిలీజ్ రోజు నుంచి ఈరోజు వరకు ఈ సినిమా గురించి చర్చ జరుగుతోంది. గత కొన్నేళ్లలో ఈ స్థాయిలో ఒక సినిమా గురించి చర్చ జరగడం ఇదే తొలిసారి అని కామెంట్లు వ్యక్తమవుతూ ఉండటం గమనార్హం. కేంద్ర ప్రభుత్వం తాజాగా కీరవాణికి పద్మశ్రీ అవార్డును ప్రకటించిన సంగతి తెలిసిందే. ఈ ప్రకటన అభిమానులకు ఎంతో సంతోషాన్ని కలిగించింది. ఆర్ఆర్ఆర్ సక్సెస్ తో మ్యూజిక్ డైరెక్టర్ గా కీరవాణి రేంజ్ పెరిగింది.

కీరవాణికి ఈ మధ్య కాలంలో వరుస అవార్డులు రావడం గురించి రాజమౌళి స్పందిస్తూ అవార్డుకు అవార్డుకు మధ్య గ్యాప్ ఇవ్వాలని విశ్వానికి చెబుతానని అన్నారు. అలా చేస్తే మాత్రమే సక్సెస్ ను పూర్తిస్థాయిలో ఆస్వాదించే అవకాశం ఉంటుందని రాజమౌళి పేర్కొన్నారు. కీరవాణికి ఈ గుర్తింపు ఎప్పుడో వచ్చి ఉంటే బాగుండేదని ఫ్యాన్స్ ఏ విధంగా అనుకుంటున్నారో నేను కూడా అదే విధంగా అనుకుంటున్నానని జక్కన్న తెలిపారు. ఈ విశ్వం ప్రతి వ్యక్తి కష్టానికి తగ్గ ఫలితాన్ని ఏదో ఒక సమయంలో అందిస్తుందని రాజమౌళి అభిప్రాయం వ్యక్తం చేశారు.

ఈ మాటలను నేను ఎప్పుడూ గుర్తు పెట్టుకుంటానని రాజమౌళి పేర్కొన్నారు. విశ్వంతో మాట్లాడే ఛాన్స్ ఉంటే కొంచెం గ్యాప్ ఇవ్వాలని ఒక సక్సెస్ ను పూర్తిగా ఎంజాయ్ చేసిన తర్వాత మరొకటి ఇవ్వాలని కోరుకుంటానని ఆయన ట్వీట్ లో వెల్లడించారు. పెద్దన్న కీరవాణికి పద్మశ్రీ రావడం రాజమౌళికి సంతోషాన్ని కలిగించింది. 2023 సంవత్సరంలో ఆర్ఆర్ఆర్ సినిమా వల్ల కీరవాణికి వరుస అవార్డులు లభిస్తున్నాయి.

లాస్ ఏంజెల్స్ ఫిల్మ్ క్రిటిక్ అసోసియేషన్, క్రిటిక్స్ ఛాయిస్ మూవీ అవార్డ్, బోస్టన్ సొసైటీ ఆఫ్ ఫిల్మ్ క్రిటిక్స్, గోల్డెన్ గ్లోబ్ అవార్డ్ లను కీరవాణి సొంతం చేసుకున్నారు. పద్మశ్రీ అవార్డ్ తో ఆయన స్థాయి మరింత పెరిగింది. నాటు నాటు సాంగ్ కు ఆస్కార్ అవార్డ్ వస్తే మాత్రం కీరవాణి ప్రతిభ గురించి ప్రపంచవ్యాప్తంగా చర్చ జరిగే అవకాశాలు అయితే ఉంటాయి.

Like many of your fans feel, this recognition indeed was long over due.

But, as you say the universe has a strange way of rewarding one’s efforts.

If I can talk back to universe, I would say
Konchem gap ivvamma. okati poorthigaa enjoy chesaaka inkoti ivvu. pic.twitter.com/JSNnivpRNq

— rajamouli ss (@ssrajamouli) January 26, 2023

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?