Rajashekar, Balakrishna: రాజశేఖర్‌ విషయంలో ఈసారైనా నిజమవుతుందా?

రాజశేఖర్‌కు యాంగ్రీ యంగ్‌మ్యాన్‌ అనే పేరు ఉన్నప్పుడు చాలామంది విలన్‌గా నటింపజేద్దామని చాలా మంది దర్శకులు ప్రయత్నించారు. కానీ ఆయన అలాంటి ప్రయత్నం చేయలేదు. అయితే ఆయన యంగ్రీస్టార్‌గా మారిన తర్వాత ఆ ప్రయత్నాలు మళ్లీ జోరందుకున్నాయి. ఈ క్రమంలో రాజశేఖర్‌ను విలన్‌ను చేసే పని అనిల్‌ రావిపూడి చేతుల్లో ఉందని సమాచారం. ఆయన కొత్త సినిమాలో రాజశేఖర్‌ను ప్రతినాయక పాత్రలో చూపించడానికి ప్రయత్నాలు జరుగుతున్నాయని సమాచారం. అంటే బాలకృష్ణకు విలన్‌గా రాజశేఖర్‌ అన్నమాట.

అనిల్‌ రావిపూడి తన తర్వాతి సినిమాను బాలకృష్ణతో చేస్తున్న విషయం తెలిసిందే. ఇటీవల ఈ సినిమాను అనౌన్స్‌ చేశారు కూడా. ‘ఎఫ్‌ 3’ ప్రచారం తదితర పనులు పూర్తి చేసుకున్న అనిల్‌ రావిపూడి తన టీమ్‌తో ప్రస్తుతం బాలయ్య సినిమా కథ మీద కూర్చోబోతున్నారట. ఇప్పటికే ఈ సినిమా కథేంటి, కాన్సెప్ట్‌ ఏంటి అనేది అనిల్‌ రావిపూడి చెప్పేశారు. ఇప్పుడు మిగిలిన పాత్రల గురించి చర్చలు జరుగుతున్నాయట. ఈ క్రమంలోనే రాజశేఖర్‌ పేరు ప్రస్తావనకు వచ్చిందని సమాచారం.

రాజశేఖర్‌కి గత కొన్నేళ్లుగా ‘గరుడవేగ’ తప్పిస్తే సరైన విజయం దక్కలేదు. దీంతో రాజశేఖర్‌ ఇతర పాత్రలవైపు వెళ్తే బాగుంటుందని కొంతమంది సూచిస్తున్నారు. జగపతిబాబు, శ్రీకాంత్‌లా కీలకమైన ప్రతినాయక పాత్రలు చేస్తే బాగుంటుందని సూచిస్తున్నారు. అది బాలయ్య సినిమాతో అయితే అదిరిపోతుందనే మాటలు కూడా వినిపిస్తున్నాయి. మరి రాజశేఖర్‌ – జీవితను అనిల్‌ రావిపూడి ఒప్పించి బాలయ్యతో ‘బ్రో ఐ డోంట్‌ కేర్‌’ అనిపించుకుంటారా అనేది చూడాలి.

ఇప్పటికే ఈ సినిమాకు సంబంధించి కాన్సెప్ట్‌ చెప్పేశారనే విషయం మీకు తెలిసిందే. ఈ సినిమాలో బాలయ్య 45 – 50 వయసున్న మధ్యవయస్కుడిగా కనిపిస్తాడట. ఇందులో బాలయ్య కూతురిగా శ్రీలీల నటిస్తుంది. ఇక బాలయ్య సరసన కథానాయికగా ప్రియమణి నటిస్తోందని చెబుతున్నారు. లేడీ విలన్‌గా అంజలి నటిస్తోందని కూడా వార్తలొస్తున్నాయి. ఆ లెక్కన రాజశేఖర్‌కి భార్యగా అంజలి కనిపించొచ్చు. మరి ఆఫర్‌ ఓకే అవుతుందా? లేదా అనేది చూడాలి.

విరాటపర్వం సినిమా రివ్యూ & రేటింగ్!

Most Recommended Video

‘ఆర్.ఆర్.ఆర్’, ‘అంటే..’ తో పాటు ఎక్కువ నిడివితో వచ్చిన లేటెస్ట్ సినిమాల లిస్ట్..!
‘2.0’ టు ‘విక్రమ్’ తమిళ్ లో భారీ కలెక్షన్లు రాబట్టిన 10 సినిమాల లిస్ట్..!
ఎన్టీఆర్, నాగ చైతన్య.. టు కీర్తి సురేష్, ‘గుండమ్మ కథ’ రీమేక్ కు సూట్ అయ్యే 10 మంది స్టార్లు..!

Share.