పెద్ద సినిమాల విడుదల తేదీలు వాయిదా పడడంతో ఈ సంక్రాంతికి అన్నీ చిన్న సినిమాలే హల్ చల్ చేయబోతున్నాయి. అందులో ‘రౌడీ బాయ్స్’ చిత్రం కూడా ఒకటి. జనవరి 14న ఈ చిత్రం విడుదల కాబోతుంది. దిల్ రాజు తమ్ముడు శిరీష్ కొడుకు అయిన ఆశీష్ ఈ చిత్రంతో హీరోగా ఎంట్రీ ఇవ్వబోతున్నాడు.ఇప్పటికే విడుదల చేసిన టీజర్, టైటిల్ సాంగ్ పర్వాలేదనిపించాయి. కాగా విడుదల తేదీ దగ్గర పడుతుండడంతో ఈరోజు ఎన్టీఆర్ చేతులు మీదుగా ట్రైలర్ ను కూడా విడుదల చేశారు.
ఈ ట్రైలర్ ను ఏకంగా ‘ప్రేమ దేశం’ వంటి క్లాసిక్ మూవీతో పోల్చేసాడు ఎన్టీఆర్. స్ట్రిక్ట్ ఫాదర్ పర్యవేక్షణలో పెరిగిన ఓ కుర్రాడు(ఆశీష్) ఇంజినీరింగ్ కాలేజ్ లో జాయిన్ అవ్వడం… తన కంటే రెండేళ్ళు పెద్దదైన మెడికల్ విద్యార్థిని(అనుపమ పరమేశ్వరన్‌) తో ప్రేమలో పడటం.. ఆ తర్వాత వాళ్ళు ఎదుర్కొన్న సంఘటనల ఆధారంగా ఈ చిత్రం తెరకెక్కినట్టు ట్రైలర్ చూస్తే స్పష్టమవుతుంది. కాలేజ్ లో రెండు గ్రూప్ లు.. వాటి మధ్య గొడవలు వంటివి కూడా ఈ ట్రైలర్లో కనిపించాయి.
‘హుషారు’ ఫేమ్ శ్రీ హర్ష కొనుగంటి మరోసారి యూత్ ఫుల్ కంటెంట్ తో ప్రేక్షకుల ముందుకు రాబోతున్నాడు. ఈ చిన్న సినిమాకి దిల్ రాజు, శిరీష్ లు భారీగా ఖర్చు చేసినట్టు విజువల్స్ చెబుతున్నాయి.ఆశీష్,అనుపమ ల మధ్య కెమిస్ట్రీ కూడా రౌడీ బాయ్స్‌కి హైలైట్ అయ్యే అవకాశం ఉంది. వీరి మధ్య ఓ లిప్ లాక్ కూడా ఉంది.అంతా ఓకె కానీ దేవి శ్రీ ప్రసాద్ అందించిన బ్యాక్ గ్రౌండ్ స్కోర్ మాత్రం ఎక్కడో విన్నట్టు అనిపిస్తుంది. మీరు కూడా ఓ లుక్కేయండి :
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
