తెలుగు సినిమా ఇండస్ట్రీలో ఒన్నాఫ్ ది మోస్ట్ సక్సెస్ ఫుల్ కెరీర్ విజయ్ దేవరకొండది (Vijay Devarakonda). హీరోగా మొదటి అవకాశం సంపాదించుకోవడానికి ఎన్నో ఇబ్బందులు పడినప్పటికీ.. మొదటి అవకాశంతోనే తన సత్తాను ఘనంగా చాటుకొని “అర్జున్ రెడ్డి”తో (Arjun Reddy) ఒక్కసారిగా స్టార్ హీరోల జాబితాలో చేరిపోయాడు. అలాంటిది విజయ్ దేవరకొండ అనంతరం తీసుకున్న కొన్ని కంగారు నిర్ణయాల వల్ల పీక్ స్టేజ్ లో ఉన్న కెరీర్ కాస్త వీక్ స్టేజ్ కి చేరింది.
వరుస డిజాస్టర్లు, బ్యాడ్ స్టోరీస్ విజయ్ కెరీర్ ను గట్టిగా ఎఫెక్ట్ చేసాయి. అయినప్పటికీ.. విజయ్ దేవరకొండకి మార్కెట్ లో ఉన్న క్రేజ్ ఏమాత్రం తగ్గలేదు. అందుకు కారణాలు చాలా ఉన్నప్పటికీ.. అతడి సినిమా కెరీర్ మాత్రం ప్రస్తుతం ప్రశ్నార్థకంగానే ఉంది. అందుకు ముఖ్యకారణం విజయ్ దేవరకొండ సినిమాలు ఎప్పడు రిలీజ్ అవుతాయి, కొత్త సినిమాలు ఎప్పడు సెట్స్ కి వెళతాయి అనే విషయంలో క్లారిటీ లేకపోవడమే.
మేలో రిలీజ్ అవ్వాల్సిన “కింగ్డమ్” (Kingdom) జూన్ కి పోస్ట్ పోన్ అవ్వడం, అక్కడ్నుంచి జూలైకి వెళ్లడం, ఇప్పుడు జూలైలో విడుదలవుతుందో లేదో తెలియక తికమకపడుతున్నారు. ప్రస్తుతానికైతే.. “కింగ్డమ్” జూలై 25న విడుదలవుతున్నట్లు తెలుస్తున్నా, ఇంకా క్లారిటీ లేదు. ఇక రాహుల్ తో మొదలవ్వాల్సిన సినిమా ఇంకా ప్రీప్రొడక్షన్ లోనే ఉంది, “రౌడీ జనార్ధన” ఎప్పడు రిలీజ్ అవుతుందో క్లారిటీ లేదు.
ఇలా సరైన ప్లానింగ్ లేక విజయ్ తన కెరీర్ ను తానే చిక్కుల్లో పడేసుకున్నాడు. విజయ్ అర్జెంటుగా తన సినిమాల రిలీజ్ డేట్స్ ను, షూటింగ్ అప్డేట్స్ ను రివీల్ చేస్తే తప్ప ఈ కన్ఫ్యూజన్ కి ఒక క్లారిటీ వచ్చేలా లేదు. మరి విజయ్ & టీమ్ ఈ విషయమై ఏమైనా స్పందిస్తారేమో చూడాలి. ఎందుకంటే.. విజయ్ కంటే విజయ్ దేవరకొండ ఫ్యాన్స్ ఈ విషయంలో ఎక్కువ ఫీల్ అవుతున్నారు.
Home