Vijay Devarakonda: లైగర్ అందమైన ప్రేమ కథ చిత్రం.. విజయ్ దేవరకొండ!

పెళ్లి చూపులు సినిమాతో హీరోగా ఎంట్రీ ఇచ్చి ఎలాంటి సినీ నేపథ్యం లేకుండా వరుస సినిమాలను చేస్తూ ఎంతో బిజీగా ఉన్న హీరో విజయ్ దేవరకొండ గురించి ప్రత్యేకంగా చెప్పాల్సిన పనిలేదు. టాలీవుడ్ ఇండస్ట్రీలో అతి తక్కువ సమయంలోనే స్టార్ హీరోగా గుర్తింపు పొందిన విజయ్ దేవరకొండ ప్రస్తుతం సినిమాల్లో నటిస్తూ బిజీగా ఉన్నారు. ఈ క్రమంలోనే విజయ్ దేవరకొండ అనన్య పాండే జంటగా పూరి జగన్నాథ్ దర్శకత్వంలో తెరకెక్కిన లైగర్ అనే చిత్రం ద్వారా ప్రేక్షకుల ముందుకు రాబోతున్నారు.

ఈ సినిమా ప్రస్తుతం షూటింగ్ పనులను పూర్తి చేసుకొని శరవేగంగా పోస్ట్ ప్రొడక్షన్ పనులను జరుపుకుంటున్నారు. ఈ సినిమాని విజయ్ దేవరకొండ సెంటిమెంట్ గా భావించే ఆగస్టు 25వ తేదీ ప్రేక్షకుల ముందుకు తీసుకురావడానికి సిద్ధమయ్యారు. ఈ క్రమంలోనే పోస్ట్ ప్రొడక్షన్ పనులను శరవేగంగా జరుపుకుంటున్నారు. ఇక ఈ సినిమా షూటింగ్ పనులు పూర్తి కావడంతో విజయ్ దేవరకొండ తదుపరి ప్రాజెక్టు జనగణమన సినిమాపై దృష్టి పెట్టారు.అలాగే హీరోయిన్ సమంతతో కలిసి శివ నిర్మాణ దర్శకత్వంలో మరొక సినిమాతో బిజీగా ఉన్నారు.

ప్రస్తుతం ఈ సినిమా షూటింగ్ పనులను జరుపుకుంటోంది.ఇకపోతే కెరియర్ పరంగా ఎంతో బిజీగా ఉండే విజయ్ దేవరకొండ సోషల్ మీడియాలో ఎంతో యాక్టివ్ గా ఉంటూ తన సినిమాలకు సంబంధించిన విషయాలను అభిమానులతో పంచుకొని రోజురోజుకు ఫ్యాన్ ఫాలోయింగ్ పెంచుకుంటూ పోతున్నారు. ఈ క్రమంలోనే విజయ్ దేవరకొండ ట్విట్టర్ వేదికగా ఒక వీడియోని షేర్ చేశారు. ఈ వీడియోలో బోట్ లో నిలబడి ఉన్న విజయ్ దేవరకొండ నీటి వైపు చూస్తూ.. మేఘావృతమైన ఆకాశాన్ని చూస్తూ పడవ ప్రయాణం చేస్తున్నారు.

ప్రస్తుతం ఈ వీడియో సోషల్ మీడియాలో వైరల్ గా మారింది.ఇక ఈ వీడియోని విజయ్ దేవరకొండ షేర్ చేస్తూ తన కెరియర్ లో అత్యంత పెద్ద సినిమా లైగర్ అంటూ చెప్పుకొచ్చారు. అలాగే ఎంతో అందమైన సరదాగా సాగిపోయే ప్రేమ కథ చిత్రం VD 11 అంటూ క్యాప్షన్ జోడించి ఈ వీడియోని షేర్ చేశారు. ప్రస్తుతం ఈ వీడియో సోషల్ మీడియాలో వైరల్ గా మారింది. ఇక ఈ సినిమాను ధర్మ ప్రొడక్షన్స్, పూరి కనేక్ట్స్ బ్యానర్స్ సంయుక్తంగా నిర్మిస్తున్నారు.