HIT 3: ‘హిట్ 3’ మరో 5 నిమిషాలు లేపేశారా..?

నాని (Nani) వరుస హిట్లకి బ్రేక్ వేసిన సినిమా ‘అంటే సుందరానికీ’ (Ante Sundaraniki). వివేక్ ఆత్రేయ (Vivek Athreya) దర్శకత్వం వహించిన సినిమా ఇది. ‘మైత్రి మూవీ మేకర్స్’ సంస్థ నిర్మించింది. 2022 జూన్ 10న ఈ సినిమా ప్రేక్షకుల ముందుకు వచ్చింది. ఈ సినిమా బాగానే ఉంటుంది. కానీ జనాలు థియేటర్లకు రాకపోవడం వల్ల కమర్షియల్ ఫెయిల్యూర్ గా మిగిలిపోయింది. అందుకు కారణం లేకపోలేదు. ఈ సినిమా రన్ టైం ఏకంగా 3 గంటలు ఉండటం వల్లే అనేది ఎక్కువ మంది చేసిన కంప్లైంట్.

HIT 3

సినిమా ఒక పద్దతిగా వెళ్తున్న టైంలో చైల్డ్ హుడ్ ఫ్లాష్ బ్యాక్ ఎపిసోడ్స్ వస్తూ పోతూ ఉంటాయి. పైగా నాని చైల్డ్ హుడ్ ఎపిసోడ్ కూడా 20 నిమిషాల వరకు ఉంటుంది. ఇవన్నీ ఆడియన్స్ కి బోర్ కొట్టేశాయి. కొన్ని రివ్యూల్లో ఈ సినిమాకి రాసిన నెగిటివ్ పాయింట్స్ లో ఎక్కువగా ఈ విషయాన్నే ప్రస్తావించారు. దీంతో రన్ టైం విషయంలో నాని ఓ గొప్ప పాఠం నేర్చుకున్నట్టు కనిపిస్తుంది.

‘సరిపోదా శనివారం’ (Saripodhaa Sanivaaram) సినిమా రన్ టైం కూడా దాదాపు మూడున్నర గంటల వరకు వస్తే… దగ్గరుండి ట్రిమ్ చేయించుకున్నాడు నాని. అందుకే ఆ సినిమాకి అలాంటి కంప్లైంట్స్ ఎక్కువగా రాలేదు. ఇప్పుడు హిట్ 3 (HIT 3) విషయంలో కూడా అదే చేస్తున్నాడు. ఈ సినిమా ఇటీవల సెన్సార్ అయ్యింది. రన్ టైం 2 గంటల 42 నిమిషాల వరకు వచ్చింది.

వయొలెన్స్ ఎక్కువగా ఉండటం వల్ల ‘A’ రేటింగ్ తీసుకున్నారు. ఫైనల్ కాపీ రెడీ అయ్యాక కూడా మళ్ళీ చూసి.. ఇంకో 5 నిమిషాలు ట్రిమ్ చేయించాడట. దీంతో ఫైనల్ రన్ టైం 2 గంటల 37 నిమిషాలు వచ్చిందని సమాచారం.