డాషింగ్ డైరెక్టర్ పూరి జగన్నాథ్… రైటర్ గా, అసిస్టెంట్ డైరెక్టర్ గా పనిచేసిన తర్వాత డైరెక్టర్ గా మారాడు. మొదటి సినిమాతోనే తన సత్తా చాటుకున్నాడు. పవన్ కళ్యాణ్ తో అతను తెరకెక్కించిన ‘బద్రి’.. మాస్ సినిమాకి సరికొత్త డెఫినిషన్ చెప్పింది. పవన్ కళ్యాణ్ కు మాస్ ఇమేజ్ ఏర్పడడానికి పూరినే పునాది వేసాడు. అటు తర్వాత తనతో అసిస్టెంట్ డైరెక్టర్ గా చేసిన రవితేజను స్టార్ హీరోని చేసాడు. మహేష్ బాబుని సూపర్ స్టార్ ను చేసాడు. ప్రభాస్ ను కొత్తగా ప్రెజెంట్ చేసి అందరికీ డార్లింగ్ ను చేసాడు.
రామ్ పోతినేని తో ‘ఇస్మార్ట్ శంకర్’ మూవీ చేసి బ్లాక్ బస్టర్ అందుకున్నాడు పూరి. ప్రస్తుతం విజయ్ దేవరకొండతో ‘లైగర్’ అనే మూవీ చేస్తున్నాడు. దీని పై కూడా భారీ అంచనాలు నెలకొన్నాయి. అయితే అందరికీ లైఫ్ ఇచ్చిన పూరి.. తన తమ్ముడు సాయి రామ్ శంకర్ ను మాత్రం హీరోగా నిలబెట్టలేకపోయాడు. ఇప్పుడు తన కొడుకు ఆకాష్ ను హీరోగా నిలబెట్టడానికి చాలా కష్టాలు పడుతున్నాడు. ‘మెహబూబా’ చిత్రంతో ఆకాష్ పెద్దగా మెప్పించలేకపోయాడు. ‘ఆకాష్ ఇంకా చిన్న పిల్లాడిలానే కనిపిస్తున్నాడు’ అనే కామెంట్లు కూడా వినిపించాయి.
పైగా పూరి.. అలాంటి సినిమా తీశాడేంటి అని నోటి మీద వేలు వేసుకున్న వాళ్ళు కూడా ఉన్నారు. దాంతో ఆకాష్ రెండో సినిమాని పూరి డైరెక్ట్ చెయ్యకుండా..నిర్మాతగా ఉండి తన శిష్యుడు అనిల్ పాదూరికి దర్శకత్వ బాధ్యతలను అప్పగించాడు.మొన్నామధ్య విడుదల చేసిన ‘రొమాంటిక్’ ఫస్ట్ లుక్ కు మంచి స్పందనే లభించింది. ప్రఖ్యాత ‘ఐ.ఎం.డి.బి’ వారు ‘మోస్ట్ యాంటిసిపేటెడ్ ఇండియన్ మూవీస్ అండ్ షోస్’ అంటూ ఓ పోల్ ను నిర్వహించగా అందులో రెండో ప్లేసులో నిలిచి అందరినీ ఆశ్చర్యపరిచింది ఆకాశ్ పూరీ ‘రొమాంటిక్’ మూవీ! దీనిని బట్టి ‘రొమాంటిక్’ పై మంచి అంచనాలు ఉన్నాయనే విషయం స్పష్టమవుతోంది.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home
