Balakrishna: ప్రతి ఒక్కరికి మమతా మోహన్ దాస్ ఆదర్శం.. బాలకృష్ణ కామెంట్స్ వైరల్!

జగపతిబాబు మమతా మోహన్ దాస్ విమల రామన్ ప్రధాన పాత్రలలో నటించినటువంటి తాజా చిత్రం రుద్రాంగి. అజయ్ సామ్రాట్ దర్శకత్వంలో తెరకెక్కిన ఈ సినిమా జూలై 7వ తేదీ విడుదలకు సిద్ధమవుతుంది. ఈ క్రమంలోనే జూన్ 29వ తేదీ హైదరాబాద్ లో ప్రీ రిలీజ్ వేడుకను నిర్వహించారు. ఇక ఈ కార్యక్రమానికి బాలకృష్ణ ముఖ్యఅతిథిగా హాజరయ్యారు.ఈ కార్యక్రమంలో భాగంగా ఈయన తోటి నటీనటుల గురించి ఇండస్ట్రీ గురించి పలు విషయాలు తెలియజేశారు.

ఈ సందర్భంగా బాలకృష్ణ (Balakrishna) మాట్లాడుతూ ప్రేక్షకులను కథ మరియు పాత్రలలో లీనమయ్యేలా చేసే అరుదైన సినిమాలలో రుద్రాంగి ఒకటని తెలియజేశారు. ఇక జగపతిబాబు ఇప్పటివరకు ఎన్నో గొప్ప పాత్రలలో నటించారు. ఇక రంగస్థలం లెజెండ్ వంటి సినిమాలలో ఈయన నటన చూడటం కోసమే ప్రేక్షకులు థియేటర్ కి వచ్చారు. ఇలా బాలకృష్ణ ఒక పాత్రకు కమిట్ అయ్యారు అంటే ఆ పాత్రలో నటించరని జీవిస్తారు అంటూ బాలకృష్ణ చేసిన ఈ కామెంట్స్ వైరల్ అవుతున్నాయి.

ఇక నటి మమత మోహన్ దాస్ గురించి కూడా ఈ సందర్భంగా బాలకృష్ణ ఎంతో గొప్పగా చెప్పడమే కాకుండా తనపై ప్రశంసలు కురిపించారు. ఆమె ఆన్ స్క్రీన్ లో మాత్రమే కాకుండా ఆఫ్ స్క్రీన్ లో కూడా వీరవనిత అని తెలియజేశారు.క్యాన్సర్ భారీన పడిన మమతా మోహన్ దాస్ ఏమాత్రం నిరుత్సాహపడకుండా చాలా ధైర్యంతో ముందడుగు వేసి క్యాన్సర్ తో పోరాడి నేడు మన ముందుకు వచ్చింది. క్యాన్సర్ వచ్చిందన్న భయమే మనిషిని సగం చంపేస్తుంది అలాంటిది కాన్సర్ తో పోరాడిన ఈమె ఎంతో మంది మహిళలకు క్యాన్సర్ బాధితులకు స్ఫూర్తిదాయకమని తెలియజేశారు.

ఇక ఈ సినిమాలో నటించిన ప్రతి ఒక్కరి గురించి (Balakrishna) బాలకృష్ణ మాట్లాడటమే కాకుండా.. మేమందరం ఈ వయసులో కూడా నటిస్తున్నాము అంటే అది మా జీవనం కోసం మాత్రం అసలు కాదని, మేమంతా కూడా ఎప్పుడో ఆ స్టేజ్ దాటి వచ్చేసామనీ, ఇండస్ట్రీ బ్రతకడం కోసం నటిస్తున్నామని బాలకృష్ణ తన తోటి నటీనటులను గుర్తుపెట్టుకుని ఇలాంటి వ్యాఖ్యలు చేశారు. ప్రస్తుతం బాలయ్య చేసిన ఈ కామెంట్ సోషల్ మీడియాలో వైరల్ అవుతున్నాయి.

స్పై సినిమా రివ్యూ & రేటింగ్!

సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!