టాలీవుడ్ హీరోలలో ఒకరైన యంగ్ టైగర్ జూనియర్ ఎన్టీఆర్ బాలీవుడ్ డైరెక్టర్లపై దృష్టి పెట్టారు. సంజయ్ లీలా భన్సాలీ డైరెక్షన్ లో ఎన్టీఆర్ హీరోగా ఒక సినిమా తెరకెక్కనున్నట్టు గతంలో వార్తలు వైరల్ కాగా తాజాగా ఆ వార్తలు మరోసారి ప్రచారంలోకి వచ్చాయి. మైథలాజికల్ కాన్సెప్ట్ తో తెరకెక్కనున్న ఈ సినిమాకు ‘జై బావ్ రే’ అనే టైటిల్ ఫిక్స్ చేశారని వార్తలు వస్తుండటం గమనార్హం. దేశం మెచ్చిన స్టార్ డైరెక్టర్లలో సంజయ్ లీలా భన్సాలీ కూడా ఒకరు.
భన్సాలీ తారక్ కాంబినేషన్ లో సినిమా అంటే అంచనాలు మామూలుగా ఉండవు. తారక్ ఈ సినిమాపై ఆసక్తి చూపుతుండగా పాన్ ఇండియా మూవీగా తెరకెక్కుతున్న ఈ సినిమాలో ఇతర భాషల నటీనటులు కూడా నటించే ఛాన్స్ అయితే ఉందని తెలుస్తోంది. ఈ సినిమా సెట్స్ పైకి వెళితే ఎన్టీఆర్ ఖాతాలో మరో ఇండస్ట్రీ హిట్ గ్యారంటీ అని చెప్పవచ్చు. ప్రస్తుతం ఎన్టీఆర్ కొరటాల శివ, ప్రశాంత్ నీల్ సినిమాలతో బిజీగా ఉన్నారు.
ఈ సినిమాలు పూర్తైన వెంటనే ఎన్టీఆర్ భన్సాలీ కాంబో మూవీ సెట్స్ పైకి వెళ్లే ఛాన్స్ అయితే ఉందని చెప్పవచ్చు. అయితే అటు ఎన్టీఆర్ నుంచి కానీ ఇటు భన్సాలీ నుంచి కానీ ఈ ప్రాజెక్ట్ కు సంబంధించిన అధికారిక ప్రకటన అయితే రాలేదు. భారీగా అంచనాలు నెలకొన్న ఆర్ఆర్ఆర్ సినిమాతో ప్రపంచవ్యాప్తంగా మంచి గుర్తింపు దక్కుతుందని యంగ్ టైగర్ ఎన్టీఆర్ భావిస్తున్నారు. జనవరి 7వ తేదీన రిలీజ్ కానున్న ఆర్ఆర్ఆర్ సంచలనాలను సృష్టించడం గ్యారంటీ అనే కామెంట్లు వినిపిస్తున్నాయి.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్ టాప్‌ భామల రెమ్యూనరేషన్‌ ఎంతంటే?
Home