టాలీవుడ్ స్టార్ హీరోలలో ఒకరైన ప్రభాస్ (Prabhas) కల్కి 2898 ఏడీ (Kalki 2898 AD) సినిమాతో క్రియేట్ చేస్తున్న సంచలన రికార్డులు ప్రస్తుతం నెట్టింట హాట్ టాపిక్ అవుతున్నాయి. 18 రోజుల్లో 400కు పైగా షోలు ప్రసాద్ మల్టీప్లెక్స్ లో ప్రదర్శితం కాగా ఈ సినిమాకు ఏకంగా 4.8 కోట్ల రూపాయల గ్రాస్ కలెక్షన్లు వచ్చాయి. 1,20,000 ఫుట్ ఫాల్స్ తో ఈ సినిమా సంచలనం సృష్టించింది. ఒకప్పటి ప్రసాద్ ఐమాక్స్ పేరు ఇప్పుడు ప్రసాద్ మల్టీప్లెక్స్ గా మారిందనే సంగతి తెలిసిందే.
కల్కి 2898 ఏడీ సినిమా యునానిమస్ పాజిటివ్ టాక్ ను సొంతం చేసుకోవడం వల్లే ఈ స్థాయిలో రికార్డులు సాధ్యం అవుతున్నాయని నెటిజన్ల నుంచి కామెంట్లు వినిపిస్తున్నాయి. కల్కి సినిమాతో సరికొత్త రికార్డులను క్రియేట్ చేస్తూ స్టార్ హీరో ప్రభాస్ ట్రెండ్ సెట్ చేస్తున్నారని ఫ్యాన్స్ ఫీలవుతున్నారు. ప్రసాద్ మల్టీప్లెక్స్ కల్కి 2898 ఏడీ క్రియేట్ చేసిన రికార్డులు బ్రేక్ కావాలంటే చాలా కాలం పడుతుందని నెటిజన్లు అభిప్రాయపడుతున్నారు.
హైదరాబాద్ లో ఎక్కువగా ప్రీమియర్ షోలు పడే మల్టీప్లెక్స్ గా ప్రసాద్ మల్టీప్లెక్స్ కు పేరుంది. టికెట్ రేట్లు పెరగడం కూడా కల్కి సినిమాకు ప్లస్ అయిందని చెప్పవచ్చు. కల్కి 2898 ఏడీ సినిమా తర్వాత విడుదలైన సినిమాలన్నీ పాజిటివ్ టాక్ ను సొంతం చేసుకోవడంలో ఫెయిలయ్యాయి. అందువల్ల మరికొన్ని రోజుల పాటు కల్కి 2898 ఏడీ హవా కొనసాగే అవకాశం ఉంది.
దర్శకుడు నాగ్ అశ్విన్ (Nag Ashwin) విజువల్ ఎఫెక్ట్స్ విషయంలో ప్రత్యేక శ్రద్ధ కనబరచడం కూడా ఈ సినిమాకు ప్లస్ అయిందని చెప్పవచ్చు. నాగ్ అశ్విన్ కల్కి సినిమాతో మ్యాజిక్ ను రిపీట్ చేయగా తర్వాత ప్రాజెక్ట్ లతో నాగ్ అశ్విన్ మరిన్ని విజయాలను అందుకోవాలని ఫ్యాన్స్ కోరుకుంటున్నారు. కల్కి సీక్వెల్ పై ప్రేక్షకుల్లో భారీ స్థాయిలో అంచనాలు నెలకొనగా ఈ సినిమా షూట్ ఎప్పుడు మొదలవుతుందో చూడాల్సి ఉంది.
#Kalki2898AD! Ee peru charitra marchipodhu!❤️❤️❤️
Ruling the box office at #PrasadsMultiplex #Prabhas @VyjayanthiFilms @Kalki2898AD pic.twitter.com/nNF3UEJNRs
— Prasads Multiplex (@PrasadsCinemas) July 15, 2024
