Mahesh Babu, Prabhas: ఫ్లాపుల్లో ప్రభాస్.. మహేష్ ఏం చేశారంటే..?

ప్రస్తుతం టాలీవుడ్ స్టార్ హీరో ప్రభాస్ కు భారీ స్థాయిలో క్రేజ్, ఫ్యాన్ ఫాలోయింగ్ ఉన్న విషయం తెలిసిందే. ప్రభాస్ నటిస్తున్న సినిమాల హక్కులు బాలీవుడ్ లో సైతం కళ్లు చెదిరే రేటుకు అమ్ముడవుతున్నాయి. ఈశ్వర్ సినిమాతో ప్రభాస్ టాలీవుడ్ ఇండస్ట్రీలో నటుడిగా కెరీర్ ను మొదలుపెట్టిన సంగతి తెలిసిందే. ఈశ్వర్ సినిమాకు జయంత్ సి పరాన్జీ దర్శకత్వం వహించగా ఈ సినిమా బాక్సాఫీస్ దగ్గర ఆశించిన స్థాయిలో సక్సెస్ కాలేదు.

ఈశ్వర్ సినిమాలో ఊరమాస్ పాత్రలో కనిపించిన ప్రభాస్ తరువాత సినిమా రాఘవేంద్రలో క్లాస్ గా కనిపించారు. అయితే బాక్సాఫీస్ దగ్గర ఈ సినిమా ఫ్లాప్ ఫలితాన్ని అందుకుంది. వరుసగా నటించిన రెండు సినిమాలు సక్సెస్ కాకపోవడంతో ప్రభాస్ నిరాశకు గురి కాగా ఆ తర్వాత శోభన్ డైరెక్షన్ లో ఎం ఎస్ రాజు నిర్మాతగా తెరకెక్కిన వర్షం సినిమాలో ప్రభాస్ నటించారు. వర్షం సినిమా ఆడియో ఫంక్షన్ కు ఎవరైనా స్టార్ హీరో వస్తే బాగుంటుందని ప్రభాస్ భావించారు.

ఆ సమయంలో వర్షం మూవీ దర్శకనిర్మాతలతో ఉన్న అనుబంధం వల్ల మహేష్ ఆ సినిమా ఆడియో ఫంక్షన్ కు గెస్ట్ గా వచ్చారు. మహేష్ అప్పటికే ఒక్కడు మూవీతో భారీ హిట్ సొంతం చేసుకోవడంతో వర్షం సినిమాపై అంచనాలు పెరిగాయి. ఈ ఆడియో ఫంక్షన్ లో మహేష్, ప్రభాస్ కలిసి ఒక ఫోటో దిగారు. ఫ్లాపుల్లో ఉన్న ప్రభాస్ కు మహేష్ ఆడియో ఫంక్షన్ కు హాజరై తన వంతు సహాయం చేశారు.

Most Recommended Video

తన 19 ఏళ్ళ కెరీర్ లో నితిన్ రిజెక్ట్ చేసిన సినిమాల లిస్ట్..!
వింటేజ్ ఫిల్మ్ ఫేర్ కవర్స్ పై మన తారలు!
టాలీవుడ్లో రీమేక్ అయిన ఈ 9 సినిమాలు..తమిళంలో విజయ్ నటించినవే..!