Kurchi Madathapetti Song: ఒక్క పాటతో ఊహించని రికార్డులు.. మహేష్ కు ఎవరూ సాటిరారుగా!

మహేష్ బాబు (Mahesh Babu) , త్రివిక్రమ్ శ్రీనివాస్ (Trivikram)  కాంబినేషన్ లో తెరకెక్కిన గుంటూరు కారం  (Guntur Kaaram)  సినిమా థియేటర్లలో మరీ భారీ హిట్ గా నిలవకపోయినా ఈ సినిమాకు చెప్పుకోదగ్గ స్థాయిలో కలెక్షన్లు వచ్చాయనే సంగతి తెలిసిందే. ఈ సినిమాలోని కుర్చీ మడతబెట్టి సాంగ్ యూట్యూబ్ లో ఏ రేంజ్ లో హిట్టైందో ప్రత్యేకంగా చెప్పాల్సిన అవసరం లేదు. ఈ సాంగ్ కు సంబంధించి సోషల్ మీడియాలో లక్షల సంఖ్యలో రీల్స్ వైరల్ అయ్యాయి.

చాలా రోజుల క్రితమే ఈ సాంగ్ 200 మిలియన్ల వ్యూస్ సాధించగా ఈ సాంగ్ కు 2 మిలియన్ లైక్స్ రావడంతో అరుదైన రికార్డ్ చేరింది. అతి త్వరలో ఈ సాంగ్ 300 మిలియన్ల వ్యూస్ కూడా క్రాస్ చేసే ఛాన్స్ ఉంది. మహేష్, శ్రీలీల (Sreeleela) కలిసి కుర్చీ మడతబెట్టి సాంగ్ తో మ్యాజిక్ చేశారని అందుకే ఈ సాంగ్ కు ఈ రేంజ్ లో వ్యూస్ వచ్చాయని కామెంట్లు వినిపిస్తున్నాయి. భవిష్యత్తులో సైతం ఈ సాంగ్ సంచలనాలు కొనసాగుతాయని ఫ్యాన్స్ ఫీలవుతున్నారు.

గుంటూరు కారం సినిమా సోలోగా విడుదలై ఉంటే మాత్రం ఈ సినిమా కలెక్షన్లు మరింత పెరిగేవని నెటిజన్లు అభిప్రాయపడుతున్నారు. మహేష్ రాజమౌళి (S. S. Rajamouli)  కాంబో మూవీ ప్రీ ప్రొడక్షన్ పనులు శరవేగంగా జరుగుతుండగా ఈ సినిమా రెగ్యులర్ షూటింగ్ సైతం త్వరలో మొదలుకానుంది. మహేష్ జక్కన్న కాంబో మూవీ ఇండస్ట్రీని షేక్ చేసే మూవీ అవుతుందని నెటిజన్లు అభిప్రాయపడుతున్నారు.

మహేష్ బాబు పుట్టినరోజు కానుకగా ఈ సినిమా నుంచి ఏదైనా అప్ డేట్ వస్తుందేమో చూడాల్సి ఉంది. ఆగష్టు నెల 9వ తేదీ కోసం అభిమానులు ఒకింత ఆసక్తిగా ఎదురుచూస్తున్నారని సమాచారం అందుతోంది. రాజమౌళి ఈ సినిమా విషయంలో మరిన్ని ఎక్కువ జాగ్రత్తలు తీసుకుంటున్నారని తెలుస్తోంది. ఈ సినిమాలో నటించే హీరోయిన్ కు సంబంధించి వేర్వేరు వార్తలు వినిపిస్తుండటం గమనార్హం.