Nagarjuna, Sampath Nandi: నాగార్జునతో సంపత్ నంది 6వ చిత్రం ఫిక్స్..?

వరుణ్ సందేశ్, నిషా అగర్వాల్ హీరో హీరోయిన్లుగా తెరకెక్కిన ‘ఏమైంది ఈ వేళ‌’ చిత్రంతో దర్శకుడిగా ఎంట్రీ ఇచ్చాడు సంపత్ నంది. మొదటి చిత్రంతోనే డీసెంట్ హిట్ ను తన ఖాతాలో వేసుకున్నాడు. ఆ తర్వాత ఏకంగా రాంచరణ్ వంటి స్టార్ హీరోతో ‘ర‌చ్చ‌’ అనే మాస్ చిత్రాన్ని డైరెక్ట్ చేసే ఛాన్స్ కొట్టేశాడు. ఆ మూవీ కూడా సూపర్ హిట్ అయ్యింది. దీంతో సంపత్ నంది ఇక స్టార్ హీరోల సినిమాలతో బిజీ అయిపోతాడు అనుకుంటే అలా జరగలేదు.

మిడ్ రేంజ్ హీరో అయిన రవితేజతో `బెంగాల్ టైగ‌ర్` చిత్రాన్ని తెరకెక్కించాడు. అది కూడా బాగానే ఆడింది. ఆ తర్వాత కూడా సంపత్ కు స్టార్ హీరోతో చేసే అవకాశం దక్కలేదు. ఈ క్రమంలో గోపీచంద్ తో `గౌత‌మ్ నంద‌`, `సీటీమార్` వంటి రెండు సినిమాలు తెరకెక్కించాడు.సక్సెస్ రేటు ఎక్కువ కలిగిన దర్శకుడు అనిపించుకున్నప్పటికీ సంపత్ స్టార్ హీరోలను పట్టలేకపోతున్నాడు. కొద్దిరోజుల క్రితం వరకు సీనియర్ స్టార్ హీరో అయిన బాలకృష్ణతో సంపత్ నంది సినిమా ఉంటుందని అంతా అనుకున్నారు.

ఈ విషయాన్ని సంపత్ తన స్నేహితుల వద్ద కూడా చెప్పాడు. కానీ బాలకృష్ణ తన తర్వాతి చిత్రాన్ని అనిల్ రావిపూడి దర్శకత్వంలో చేయడానికే ఇంట్రెస్ట్ చూపిస్తున్నాడు. దీంతో మళ్ళీ హీరోల కోసం వేట మొదలుపెట్టాడు సంపత్. ఈ క్రమంలో నాగార్జునకి ఓ కథ వినిపించాడు. అది నాగ్ కు నచ్చిందని వినికిడి.వెంటనే ఈ ప్రాజెక్టు మనం చేస్తున్నాం అని కూడా నాగ్ చెప్పేశాడట.

‘మ్యాట్నీ ఎంట‌ర్టైన్మెంట్స్’ ప‌తాకంపై నిరంజ‌న్ రెడ్డి ఈ చిత్రాన్ని నిర్మించే అవకాశాలు ఉన్నాయి. ప్ర‌స్తుతం నాగార్జున `గ‌రుడ వేగ‌` ఫేమ్ ప్ర‌వీణ్ స‌త్తారు దర్శకత్వంలో `ది ఘోస్ట్` అనే మూవీని చేస్తున్నాడు.

ఎఫ్ 3 సినిమా రివ్యూ & రేటింగ్!

Most Recommended Video

పెళ్లొద్దు.. సినిమాలే ముద్దు… అంటున్న 12 మంది నటీనటులు వీరే..!
తమ సొంత పేర్లనే సినిమాల్లో పాత్రలకి పెట్టుకున్న హీరోల లిస్ట్..!
ఈ 11 హీరోయిన్ల కాంబోలు అనేక సినిమాల్లో రిపీట్ అయ్యాయి..!