ప్రతీ బిచ్చగాడి దగ్గర స్టార్‌ నటుడి నెంబర్!

బాలీవుడ్ స్టార్‌ జాకీ ష్రాఫ్ (Jackie Shroff) గురించి కొత్తగా పరిచయం అవసరం లేదు. విలన్‌, హీరో, క్యారెక్టర్ ఆర్టిస్ట్‌గా అన్ని రకాల పాత్రల్లో మెరిసిన ఈ నటుడు సినిమాలకంటే ఎక్కువగా తన మానవతా గుణం కోసం గుర్తింపు పొందుతున్నాడు. కోట్లాది అభిమానులను సొంతం చేసుకున్న ఈ స్టార్.. ప్రస్తుతం నిజ జీవితంలో నిజమైన హీరోగా మారిపోయాడు. మనల్ని ఆశ్చర్యానికి గురిచేసే విషయం ఏమిటంటే, జాకీ ప్రస్తుతం కనీసం 100 నిరుపేద కుటుంబాలను రోజూ పోషిస్తున్నాడు!

Jackie Shroff

ఇంతటి పుణ్య కార్యక్రమం చేస్తున్నప్పటికీ, దీనిపై ఎప్పుడూ జాక్ ప్రమోషన్ చేసుకున్న సందర్భం లేదు. “పేదరికం అర్థమయ్యే వాళ్లకే దయాగుణం పుట్టుతుంది” అనే సామెతను నిజం చేస్తూ, తాను ఎదిగిన జీవన అనుభవాలను సేవగా మలచుకున్నాడు. ఇప్పటికీ ముంబై వీధుల్లో ఉన్న చాలా మంది యాచకులకు జాకీ ష్రాఫ్ ఫోన్ నెంబర్‌ తెలుసుండడం పెద్ద విషయం కాదు. ఎందుకంటే వారికి సహాయం చేయడంలో జాకీ ఎప్పుడూ ముందుండేవాడు, ఇంకా ముందుండుతున్నాడు.

ఈ విషయం తెలియగానే జాకీపై అభిమానుల ప్రేమ మరింతగా పెరిగింది. చిన్నతనంలో తిండికోసం యాచించాల్సిన పరిస్థితులు ఎదుర్కొన్న ఆయన.. ఇప్పుడు ఎదిగి, సంపద సంపాదించిన తర్వాత.. అలాంటి వారిని మర్చిపోలేదు. ప్రతిరోజూ తన సంపాదనలోని ముఖ్య భాగాన్ని సేవా కార్యక్రమాలకు కేటాయిస్తున్నాడు. జాకీ ష్రాఫ్ మంచి మిత్రుడిగానూ గుర్తింపు పొందినవాడు. టాలీవుడ్, కోలీవుడ్, బాలీవుడ్ స్టార్స్‌తో అతడికి అత్యంత సన్నిహిత సంబంధాలున్నాయి. మెగాస్టార్ చిరంజీవి (Chiranjeevi) , రజనీకాంత్ (Rajinikanth), నాగార్జున Nagarjuna) , వెంకటేష్ (Venkatesh) వంటి స్టార్ హీరోలందరికీ అతడు ఆప్త మిత్రుడు.

సినిమాల్లో ఎంత బిజీగా ఉన్నా, తన సేవా కార్యక్రమాలను మాత్రం ఎప్పటికీ ఆపడు. జాకీ చూపుతున్న ఈ హృదయ పూరిత సేవా వైఖరిని చూసి నిజంగా ప్రతి ఒక్కరూ గర్వించాల్సిందే. రీల్ లైఫ్‌లో విలన్ అయినా, రియల్ లైఫ్‌లో మాత్రం దేవుడే అనిపిస్తాడు. అటువంటి నటుడు ఇప్పుడు సౌత్ స్టార్ సినిమాలోనూ కీలక పాత్రలో కనిపించబోతున్నాడనే టాక్ ఇండస్ట్రీలో వినిపిస్తోంది. ఇది నిజమైతే, ఈ సినిమాలోనూ జాకీ మనసుల్ని దోచేసే పాత్రలో మెరిసే అవకాశం ఉంది.