అఖిల్ – సురేందర్‌ రెడ్డి – అనిల్‌ సుకంర చాలా ఆలోచించింది ‘ఏజెంట్‌’ సినిమా రిలీజ్ డేట్‌ను ఇటీవల అనౌన్స్‌ చేశారు. ఎవరైనా ఇలానే ఆలోచించి పెడతారు కదా అంటారా? అవును మీరు అన్నది నిజమే.. అయితే ఈ సినిమా విషయంలో ఆలోచనలు చాలా డీప్‌గా సాగాయి అని సమాచారం. చాలా సినిమాల్ని పక్కకు తప్పించి, తప్పుకోమని చెప్పి మరీ ‘ఏజెంట్‌’ను తీసుకొస్తున్నారట. అయితే ఓ రెండు సినిమాల విషయం మరచిపోయారా? లేక పట్టించుకోలేదా అనేది ఇప్పుడు చర్చనీయాంశంగా మారింది.
‘ఏజెంట్‌’ సినిమాను ఏప్రిల్ 28న విడుదల చేస్తామని ఇటీవల టీమ్‌ అనౌన్స్‌ చేసింది. దీంతో అభిమానుల ఆనందానికి అవధులు లేవు. ఎందుకంటే అఖిల్ ఈ సినిమా కోసం పూర్తిగా మేకోవర్‌ అయ్యాడు. తనకు పెద్దగా సూట్‌ కాదు అని అంటున్నా మాస్‌ లుక్‌లో వస్తున్నాడు. ఆ విషయాలు పక్కనపెడితే సురేందర్‌ రెడ్డి టేకింగ్‌ మీద నమ్మకంతో ఫ్యాన్స్‌ ఎదురుచూస్తున్నారు. అయితే వాళ్లు చెప్పిన డేట్‌కి ఓ భారీ సినిమా ఉండటం ఇక్కడ విషయంగా మారింది.
ఏదీ.. చిరంజీవి ‘భోళా శంకర్‌’నా అంటారా? ఆ సినిమా ఎప్పుడో సైడ్‌ ఇచ్చిందిలెండి. ఇక్కడ సమస్య తెలుగు సినిమాతో కాదు. మణిరత్నం కలల ప్రాజెక్ట్‌ పార్ట్‌ 2. ‘పొన్నియిన్‌ సెల్వన్‌ 2’ గురించే చెబుతున్నాం. ఈ సినిమా డేట్ కొద్ది రోజుల క్రితమే ప్రకటించారు. మామూలుగా అయితే ఓకే.. కానీ ‘పీఎస్‌ 2’, ‘ఏజెంట్‌’ రెండూ పాన్ ఇండియా సినిమాలే. కాబట్టి రెండు సినిమాల ఢీ తప్పనిసరి.
మరి అనిల్‌ సుంకర ఈ విషయాన్ని ఎందుకు వదిలేశారో తెలియడం లేదు. అయితే ‘పొన్నియిన్‌ సెల్వన్‌ 1’ మన దగ్గర పెద్దగా ఆడలేదు. దీంతో రెండో పార్టు మీద ఆశలు లేవేమో అంటున్నారు. అలాగే ‘ఏజెంట్‌’ కోసం తమిళ మార్కెట్‌లో భారీ థియేటర్లు అడిగే అవసరమూ లేదంటున్నారు. ఈ రెండు సమీకరణాల వల్లే ‘ఏజెంట్‌’.. ‘పీఎస్‌ 2’ను లైట్‌ తీసుకున్నాడని టాక్‌.
ఇక ఆ రెండో సినిమా ఏంటంటే.. వైష్ణవ్ తేజ్ కొత్త సినిమా. ఏప్రిల్ 29న పంజా వైష్ణవ్ తేజ్ నాలుగో చిత్రం విడుదల చేస్తామని గతంలోనే ప్రకటించారు. వస్తుందో లేదో అని లైట్‌ తీసుకున్నారేమో.. ఏజెంట్‌ టీమే చెప్పాలి. అయితే ఈ సినిమాలో స్టఫ్‌ బాగుంది అని టాక్‌.
రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!
మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!
Home
