Chandini Chowdary: బాలయ్య సినిమాలో చాందిని చౌదరి అలాంటి పాత్రలో కనిపించనున్నారా?

బాలయ్య (Balakrishna) బాబీ (K. S. Ravindra) కాంబో మూవీ ఈ ఏడాది సెకండాఫ్ లో విడుదల కానుంది. దసరా పండుగకు అటూఇటుగా ఈ సినిమా విడుదల కానుందని సమాచారం అందుతోంది. బాలయ్య బాబీ మూవీ గ్లింప్స్ కు యూట్యూబ్ లో 2.6 మిలియన్ల వ్యూస్ వచ్చాయి. ఈ సినిమాలో చాందిని చౌదరి కీలక పాత్రలో కనిపించనున్నారు. (Chandini Chowdary) చాందిని చౌదరి సైతం ఈ విషయాన్ని గామి ప్రమోషన్స్ లో భాగంగా ధృవీకరించారు. అయితే బాలయ్య మూవీలో కథను మలుపు చెప్పే కీలక పాత్రలో చాందిని చౌదరి నటిస్తున్నారని తెలుస్తోంది.

కథలో ఈ పాత్రకు ఎంతో ప్రాధాన్యత ఉంటుందని అందువల్లే చాందిని సైతం ఈ ఆఫర్ కు అంగీకరించారని తెలుస్తోంది. దుల్కర్ సల్మాన్ (Dulquer Salmaan) ఈ సినిమాలో మరో కీలక పాత్రలో నటిస్తుండగా అతనికి జోడీగా చాందిని కనిపిస్తారని కూడా ఇండస్ట్రీ వర్గాల్లో వినిపిస్తోంది. టీజర్ లేదా ట్రైలర్ విడుదలైతే ఈ సినిమా కథ గురించి క్లారిటీ వచ్చే ఛాన్స్ ఉంది. బాలయ్య బాబీ కాంబో మూవీ యాక్షన్ ప్రేక్షకులతో పాటు సాధారణ ప్రేక్షకులకు సైతం ఫుల్ మీల్స్ లా ఉండనుందని తెలుస్తోంది.

బాలయ్య ఈ సినిమా కోసం ఎంతో కష్టపడుతుండగా ఈ మూవీ అంచనాలను మించి సక్సెస్ సాధిస్తుందని ఫ్యాన్స్ ఫీలవుతున్నారు. బాలయ్య ఈ సినిమాలో డ్యూయల్ రోల్ తో మరోసారి ప్రేక్షకుల ముందుకు రానున్నారు. ఈ సినిమాకు థమన్ అదిరిపోయే సాంగ్స్ ను సిద్ధం చేస్తున్నారని తెలుస్తోంది. బాలయ్య థమన్ కాంబినేషన్ లో వరుసగా సినిమాలు తెరకెక్కుతుండగా ఈ కాంబినేషన్ ప్రేక్షకులను నిరాశ పరచలేదు.

భవిష్యత్తులో ఈ కాంబోలో మరిన్ని సినిమాలు తెరకెక్కడంతో పాటు మరిన్ని భారీ విజయాలు బాలయ్య, థమన్ ఖాతాలో చేరాలని ఫ్యాన్స్ కోరుకుంటున్నారు. అటు బాలయ్య, ఇటు థమన్ పారితోషికాలు భారీ రేంజ్ లో ఉన్నాయని సమాచారం అందుతోంది.

గామి సినిమా రివ్యూ & రేటింగ్!

భీమా సినిమా రివ్యూ & రేటింగ్!
వళరి సినిమా రివ్యూ & రేటింగ్!