Dulquer Salmaan: లక్కీ భాస్కర్.. బాక్సాఫీస్ వద్ద ఎంత రావాలి?

దుల్కర్ సల్మాన్ (Dulquer Salmaan)  హీరోగా, వెంకీ అట్లూరి(Venky Atluri) దర్శకత్వంలో వచ్చిన ‘లక్కీ భాస్కర్’  (Lucky Baskhar) చిత్రం తాజాగా థియేటర్స్ లో విడుదలైంది. ఈ సినిమాకు ప్రేక్షకుల నుంచి పాజిటివ్ టాక్ వస్తుండటంతో, ప్రస్తుతం దీనిపై ఆసక్తి పెరిగింది. బ్యాంకింగ్ సెక్టార్ లో జరిగే స్కామ్స్ నేపథ్యంలో కథను పరిగణలోకి తీసుకుని, మిడిల్ క్లాస్ వ్యక్తుల జీవితాన్ని ఎలా ప్రభావితం చేస్తుందో అనే అంశాన్ని చూపించే ప్రయత్నం చేశారు. సితార ఎంటర్టైన్మెంట్స్ మరియు ఫార్చ్యూన్ ఫోర్ సినిమాస్ సంయుక్తంగా నిర్మించిన ఈ చిత్రంలో మీనాక్షి చౌదరి (Meenakshi Chaudhary) , దుల్కర్ సల్మాన్ కు జోడీగా నటించారు.

Dulquer Salmaan

ఈ సినిమాపై వరల్డ్ వైడ్ గా 26.90 కోట్ల థియేట్రికల్ బిజినెస్ జరిగిందని తెలుస్తోంది. తెలుగులో అత్యధికంగా 14.20 కోట్లు ఈ చిత్రానికి బిజినెస్ జరిగింది. ముఖ్యంగా, ‘లక్కీ భాస్కర్’ సినిమాకు బ్రేక్ ఈవెన్ కావాలంటే 15 కోట్ల షేర్ కలెక్ట్ చేయాల్సి ఉంది. దుల్కర్ సల్మాన్ ఇమేజ్‌ను పరిశీలిస్తే, ఇది పెద్ద టార్గెట్ అని అనుకోవచ్చు. అయితే, ఈ చిత్రానికి సితార వంటి పెద్ద బ్యానర్, వెంకీ అట్లూరి వంటి సక్సెస్ ఫుల్ డైరెక్టర్ ఉన్నందున, పబ్లిక్ అటెన్షన్ సులభంగా ఉంది.

మలయాళంలో 3.20 కోట్ల ప్రీరిలీజ్ వ్యాపారం జరగగా, తమిళనాడులో 1.5 కోట్లు బిజినెస్ జరగగా, తమిళంలో 2 కోట్ల షేర్ అందుకుంటే, కమర్షియల్ గా సక్సెస్ అవుతుందని భావిస్తున్నారు. కర్ణాటక, రెస్ట్ ఆఫ్ ఇండియాలో 3.50 కోట్లు, ఓవర్సీస్ లో 4.50 కోట్ల వ్యాపారం జరగడం విశేషం. మొత్తం 26.90 కోట్ల బిజినెస్ జరిగిన ఈ చిత్రానికి 28 కోట్ల షేర్ వస్తే, అది కమర్షియల్ గా సక్సెస్ అవుతుంది.

ఈ చిత్రం సూపర్ హిట్ అయితే, దుల్కర్ సల్మాన్ కి టాలీవుడ్ లో మంచి మార్కెట్ క్రియేట్ అవుతుందని నమ్ముతున్నారు. మరి ఈ చిత్రానికి తెలుగు రాష్ట్రాలలో కలెక్షన్స్ ఏ రేంజ్ లో వస్తాయో చూడాలి.