మాస్‌ దర్శకుడిని ముంబయి ఫ్లయిట్‌ ఎక్కిస్తున్న మైత్రి… ఈసారి హీరో ఎవరో?

బాలకృష్ణతో (Nandamuri Balakrishna) ఓ సినిమా చేశాక ఆ యువ దర్శకుడు బొంబాయి ఫ్లయిట్‌ ఎక్కేస్తారా? ఏమో రీసెంట్‌గా వస్తున్న పుకార్ల ప్రకారం చూస్తుంటే అవును అనిపిస్తోంది. ఇప్పటికే ఓ దర్శకుడు ఇలా బాలీవుడ్‌ హీరోతో సినిమా చేస్తుంటే మరో దర్శకుడు ఇప్పుడు ఆ ప్లాన్‌లో ఉన్నారు అని తెలుస్తోంది. ఇక్కడో విషయం ఏంటంటే ఇద్దరినీ బాలీవుడ్‌కి తీసుకెళ్తోంది మైత్రీ మూవీ మేకర్స్‌ అని తెలుస్తోంది. ‘వాల్తేరు వీర‌య్య’ (Waltair Veerayya) సినిమాతో చిరంజీవికి (Chiranjeevi) కెరీర్ బెస్ట్ వసూళ్ల సినిమాను అందించారు కేఎస్‌.రవీంద్ర (K. S. Ravindra) (బాబి).

Bobby

ఆ సినిమా అయిన వెంటనే బాలకృష్ణతో సినిమా చేసే అవకాశం అందుకున్నారు. ‘డాకు మహారాజ్‌’ (Daaku Maharaaj) రూపంలో ఆయనకు కూడా ఓ మాస్‌ హిట్‌ అందించారు. ఇప్పుడు బాబి (Bobby ) కొత్త సినిమా ఎవ‌రితో అనేది ఇంకా తేల‌లేదు. చిరంజీవితో మ‌రో సినిమా చేస్తా అని ఆయన ఇప్పటికే చెప్పారు. కానీ దానికి చాలా టైముంది. ఈ నేపథ్యంలో చిరంజీవి ఫ్రీ అయ్యేలోపు వేరే హీరోతో సినిమా చేయాలని ప్లాన్‌ చేస్తున్నారట. అది తెలుగు హీరో కాదు, బాలీవుడ్‌ హీరో అని అంటున్నారు.

ఈ మేరకు త్వరలో బాలీవుడ్‌ స్టార్ హీరోను కలసి కథ చెప్పే ఆలోచనలో ఉన్నారట. ఈ పనుల్ని మైత్రీ మూవీ మేకర్స్‌ దగ్గరుండి చూసుకుంటోందట. ఈ లెక్కన వారి దగ్గర ఏ హీరో డేట్స్‌ ఉన్నాయా అని చూస్తే సల్మాన్‌ ఖాన్‌ (Salman Khan), అక్షయ్‌ కుమార్‌ (Akshay Kumar) పేర్లు వినిపిస్తున్నాయి. మరి బాబీ ఇప్పుడు ఎవరికి కథ చెబుతారు అనేది చూడాలి.

అయితే ‘డాకు మహారాజ్‌’ కథనే బాలీవుడ్‌ తీసుకెళ్తారని, అక్కడ సల్మాన్‌ ఖాన్‌ హీరోగా ఆ సినిమా చేయాలని ప్లాన్‌ చేస్తున్నారని ఓ రూమర్‌ కూడా వినిపిస్తోంది. మరి ఆ కథనా లేక వేరే కథనా అనేది చూడాలి. ఒకవేళ ఇది జరిగితే ‘వీర సింహారెడ్డి’ (Veera Simha Reddy) తర్వాత గోపీచంద్‌ మలినేని (Gopichand Malineni) ‘జాట్‌’ (Jaat) చేస్తున్నట్లు బాబీ మరో సినిమా చేస్తారన్నమాట.

ఒక్క తెలుగు సినిమా కూడా అనౌన్స్ చేయలేదు.. ఆ డబ్బింగ్ సినిమా ఫిక్స్ అంటున్నారు.!