Rajinikanth: బాబా అదనపు సీన్ల కోసం డబ్బింగ్ చెప్పిన రజనీకాంత్ ఫోటో వైరల్!

ఈ మధ్యకాలంలో హీరోలు పుట్టినరోజు వేడుకలు రావడం లేదా సినిమాని విడుదల చేసి కొన్ని సంవత్సరాలు పూర్తి చేసుకున్న అనంతరం వారి కెరియర్ లో నటించిన బ్లాక్ బస్టర్ సినిమాలను తిరిగి విడుదల చేయడం ట్రెండ్ అవుతుంది. ఈ క్రమంలోనే ఇప్పటికే ఎంతోమంది టాలీవుడ్ హీరోల సినిమాలు తిరిగి విడుదలకు నోచుకున్నాయి. ఈ సరికొత్త ట్రెండ్ మహేష్ బాబు నటించిన పోకిరి సినిమాతో మొదలయ్యింది. ఇప్పటికే టాలీవుడ్ ఇండస్ట్రీలో పవన్ బాలయ్య ప్రభాస్ వంటి హీరోల సినిమాలను తిరిగి విడుదల చేశారు.

ఈ క్రమంలోనే డిసెంబర్ 12వ తేదీ సూపర్ స్టార్ రజనీకాంత్ పుట్టినరోజు కావడంతో ఆయన నటించిన బాబా సినిమాని తిరిగి విడుదల చేయాలని పెద్ద ఎత్తున ఏర్పాట్లు చేస్తున్నారు. ఇప్పటికే తిరిగి విడుదల చేసిన సినిమాలన్నింటినీ కూడా 4 కేలో విడుదల చేశారు. ఇకపోతే బాబా సినిమాలో మాత్రం మరికొన్ని అదనపు సీన్లను జోడించి తిరిగి ఈ సినిమాను విడుదల చేయాలని భావిస్తున్నారు. ఈ క్రమంలోనే తిరిగి ఈ సినిమాను విడుదల చేయడం కోసం అన్ని ఏర్పాట్లను కూడా పూర్తి చేస్తున్నట్టు సమాచారం.

ఇకపోతే ఈ సినిమాలో జోడించిన అదనపు సీన్ల కోసం రజనీకాంత్ మరోసారి ఈ సినిమాకి డబ్బింగ్ చెప్పినట్టు తెలుస్తుంది.ఇప్పటికే రజనీకాంత్ డబ్బింగ్ కార్యక్రమాలను కూడా పూర్తి చేసుకున్నారు. అయితే ఇందుకు సంబంధించిన ఒక ఫోటో ప్రస్తుతం సోషల్ మీడియాలో వైరల్ గా మారింది. ఈ సినిమాని సూపర్ స్టార్ కృష్ణ పుట్టినరోజు సందర్భంగా విడుదల చేయడం కోసం అన్ని ఏర్పాట్లు చేస్తున్నారు.

ఇక ఈ సినిమాని తమిళంతో పాటు తెలుగులో కూడా ప్రేక్షకుల ముందుకు తీసుకురానున్నారు. దాదాపు 20 సంవత్సరాల క్రితం వచ్చిన ఈ సినిమా అప్పట్లో ఫ్లాప్ టాక్ సొంతం చేసుకుంది. అయితే ప్రస్తుతం ఈ సినిమా తిరిగి విడుదల అయితే ఎలాంటి ఆదరణ సంపాదించుకుంటుందో తెలియాల్సి ఉంది.

లవ్ టుడే సినిమా రివ్యూ& రేటింగ్!
తోడేలు సినిమా రివ్యూ & రేటింగ్!

ఇట్లు మారేడుమిల్లి ప్రజానీకం సినిమా రివ్యూ & రేటింగ్!
ఇప్పటి వరకు బాలయ్య పేరుతో వచ్చిన పాటలు ఇవే..