ఓ పక్క ‘ఇండియన్2’ ప్రాజెక్టు విషయంలో నిర్మాతలైన ‘లైకా ప్రొడక్షన్స్’ వారు దర్శకుడు శంకర్ పై వేసిన కేసు ఇంకా ఓ కొలిక్కి రాలేదు. కానీ మరోపక్క చరణ్- దిల్ రాజు ల ప్రాజెక్టు కోసం శంకర్ ప్రీ ప్రొడక్షన్ పనులను మొదలుపెట్టేశాడు. ఇందులో భాగంగా ఇప్పటికే రైటర్ గా బుర్రా సాయి మాధవ్ ను ఎంపిక చేసుకున్నాడు. ఇక కొరియోగ్రాఫర్ గా జానీ మాస్టర్ ను ఫైనల్ చేసాడు. అయితే మ్యూజిక్ డైరెక్టర్ గా ఎవర్ని ఎంపిక చేసుకుంటాడు అనే చర్చ చాలా రోజుల నుండీ నడుస్తుంది.
శంకర్ ఇప్పటి వరకు పనిచేసింది కేవలం ఇద్దరు మ్యూజిక్ డైరెక్టర్లతోనే..! ఒకరు ఏ.ఆర్.రెహమాన్ కాగా మరొకరు హారిస్ జయరాజ్. ఇందులో కేవలం ‘అపరిచితుడు’ ‘స్నేహితుడు’ సినిమాలకు మాత్రమే హారీస్ తో పనిచేసాడు శంకర్. అయితే ‘ఇండియన్ 2’ కోసం అనిరుద్ రవిచందర్ ను ఎంపిక చేసుకున్నాడు. ఈ క్రమంలో చరణ్ కోసం కూడా ఈ ముగ్గురిలో ఒకరిని ఫైనల్ చేస్తాడని అంతా అనుకున్నారు. కానీ అందరి అంచనాలను తలక్రిందులు చేస్తూ శంకర్.. తమన్ ను ఫైనల్ చేసాడు.
ప్రస్తుతం తమన్.. భీభత్సమైన ఫామ్లో ఉన్నాడు. తమిళ్, హిందీ సినిమాలకు కూడా ఇతను పనిచేసి మంచి పేరు సంపాదించుకున్నాడు. కాబట్టి చరణ్ తో చేయబోయే పాన్ ఇండియా మూవీ కోసం మ్యూజిక్ డైరెక్టర్ గా తమన్ అయితేనే కరెక్ట్ అని భావించి అతన్ని ఫైనల్ చేసాడట శంకర్. గతంలో శంకర్ తెరకెక్కించిన ‘బాయ్స్’ చిత్రంలో కూడా తమన్ నటించాడు. అలాగే శంకర్ తెరకెక్కించిన చాలా సినిమాలకు మ్యూజిక్ డైరెక్టర్ గా పనిచేసిన రెహమాన్ దగ్గర అసిస్టెంట్ గా పనిచేసాడు తమన్.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
