ఈ మధ్య కాలంలో కమర్షియల్ సినిమాల్లో ఎక్కువగా నటిస్తున్న నాని తన శైలికి భిన్నంగా శ్యామ్ సింగరాయ్ మూవీలో నటిస్తున్న సంగతి తెలిసిందే. ట్యాక్సీవాలా ఫేమ్ రాహుల్ సాంకృత్యాన్ డైరెక్షన్ లో తెరకెక్కుతున్న ఈ పీరియాడికల్ మూవీపై భారీగా అంచనాలు నెలకొన్నాయి. అయితే ఈ సినిమాలో నానితో పాటు మరో హీరో కూడా కీలక పాత్రలో నటిస్తున్నారు. నటుడిగా, దర్శకునిగా టాలీవుడ్ లో గుర్తింపును సంపాదించుకున్న రాహుల్ రవీంద్రన్ శ్యామ్ సింగరాయ్ లో సహాయక పాత్రలో నటిస్తున్నారు.
మిక్కీ జె మేయర్ ఈ సినిమాకు సంగీతం అందిస్తుండగా ఈ సినిమాలో ముగ్గురు హీరోయిన్లు నటిస్తుండటం గమనార్హం. ఎంసీఏ తర్వాత నాని, సాయిపల్లవి జంటగా ఈ సినిమాలో నటిస్తున్నారు. ఉప్పెన ద్వారా గుర్తింపు తెచ్చుకున్న కృతిశెట్టి, ప్రేమమ్ మూవీ ద్వారా గుర్తింపును సంపాదించుకున్న మడొన్నా సెబాస్టియన్ కూడా ఈ సినిమాలో కీలక పాత్రలో నటిస్తున్నారు. కోల్ కతా బ్యాక్ డ్రాప్ తో తెరకెక్కుతున్న ఈ సినిమా ఫస్ట్ లుక్ ఇప్పటికే విడుదలైంది.
ఫస్ట్ లుక్ కు ప్రేక్షకుల నుంచి పాజిటివ్ రెస్పాన్స్ రావడంతో శ్యామ్ సింగరాయ్ సినిమాపై అంచనాలు నెలకొన్నాయి. ఫస్ట్ లుక్ లో నాని ఇప్పటివరకు కనిపించని లుక్ లో దర్శనమివ్వగా ఈ సినిమాలో నాని మూడు పాత్రల్లో కనిపిస్తాడని ప్రచారం జరుగుతోంది. ఒక పాత్రలో నాని వృద్ధుడి గెటప్ లో కూడా కనిపిస్తాడని సమాచారం. సినిమాలో రాహుల్ రవీంద్రన్ ఎలాంటి పాత్రలో నటిస్తాడో తెలియాలంటే మరికొన్ని రోజులు ఆగాల్సిందే. నిహారిక ఎంటర్టైన్మెంట్స్ బ్యానర్ పై ఈ సినిమా తెరకెక్కుతుండగా సినిమాలో యాక్షన్ కు కూడా తగిన ప్రాధాన్యత ఉంటుందని సమాచారం. ట్యాక్సీవాలా తరువాత రాహుల్ సాంకృత్యాన్ డైరెక్షన్ చేస్తున్న ఈ సినిమా ఎలాంటి రిజల్ట్ ను అందుకుంటుందో చూడాల్సి ఉంది.
Most Recommended Video
చావు కబురు చల్లగా సినిమా రివ్యూ & రేటింగ్!
మోసగాళ్ళు సినిమా రివ్యూ & రేటింగ్!
శశి సినిమా రివ్యూ & రేటింగ్!
Home