2.0లో భయపెడుతున్న అక్షయ్.. !

బాలీవుడ్ నటుడు అక్షయ్ కుమార్..  శంకర్ దర్శకత్వంలో తెరకెక్కుతున్న రోబో 2.0లో విలన్ రోల్ లో నటిస్తుండగా.. ప్రస్తుతం ఈ చిత్రం ఢిల్లీ లోని జవహర్ లాల్ నెహ్రూ స్టేడియంలో షూటింగ్ జరుపుకుంటోంది. రజనీ కాంత్, అక్షయ్ కుమార్ మధ్య పలు కీలక సన్నివేశాలను చిత్రీకరిస్తుండగా.. అక్షయ్ కుమార్ వేషధారణ బహిర్గతం అయ్యింది.

డా. రిచర్డ్స్ పాత్రలో భయానక ఎర్రటి కళ్ళతో.. ఓ సైంటిస్టుగా అక్షయ్ ఇందులో కనిపిస్తున్నాడు. ఏప్రిల్ నెలాఖరు వరకు ఢిల్లీ పరిసర ప్రాంతాల్లోనే ఈ చిత్రం షూటింగ్ జరుపుకోనుంది. ఈ చిత్రంలో రజనీ సరసన అమీ జాక్సన్ జంటగా నటిస్తోంది. రూ.350 కోట్లతో రోబో సీక్వెల్ గా లైకా ప్రొడక్షన్ సంస్థ ఈ చిత్రాన్ని నిర్మిస్తోంది.