Mahesh Babu: ‘ఖలేజా’ సీన్ రిపీట్.. ‘ఇది నీ దర్శనం.. ఇది నిదర్శనం’ అంటున్న ఊరి జనాలు.!

October 11, 2024 / 07:34 PM ISTByFilmy Focus

Join Us

‘ఖలేజా’ (Khaleja) సినిమాలో ఓ సీన్ ఉంటుంది. ఓ పాప చనిపోయిందని భావించి ఊరి జనం అంతా బాధపడుతూ ఉంటారు. ఆ టైంలో ఓ ఫైట్ అయ్యాక.. ఆ పాపని మహేష్ బాబు ఎత్తుకోగా.. ఆ పాప లేచి కూర్చుంటుంది. దీంతో ఊరి జనం అంతా అతన్ని దేవుడిలా కొలుస్తుంటారు. క్లైమాక్స్ లో ‘నీ లెక్క తప్పదు సామి.. ఇది నీ దర్శనం.. ఇది నిదర్శనం’ అనే డైలాగ్ కూడా ఆ ఊరి పెద్ద మహేష్ తో (Mahesh Babu) చెబుతాడు.

Mahesh Babu

ఇప్పుడు ఆ సీన్లు రిపీట్ అయ్యాయి. అవును ఓ ఊరి జనం మహేష్ బాబు గురించి ‘ఖలేజా’ సినిమాలో చూపించినట్టే.. పొగుడుతూ ఓ బ్యానర్ వేశారు. ఇప్పుడు ఇది హాట్ టాపిక్ అయ్యింది. మహేష్ బాబు (Mahesh Babu) .. ఆంధ్ర హాస్పిటల్స్ తో కలిసి చాలా మంది పిల్లలకు హార్ట్ సర్జరీలు చేయిస్తున్న సంగతి తెలిసిందే. ఆ లెక్క ఇప్పుడు 3772 అయ్యిందట. ఈ విషయాన్ని ఓ ఊరుకి చెందిన జనాలు ఓ బ్యానర్ ద్వారా తెలిపారు. ఆపరేషన్ చేయించుకున్న పాప ఫోటోని కూడా ఆ బ్యానర్లో వేసి..

మరిన్ని సినిమా వార్తలు.

‘నువ్వు కాపాడిన 3772 వ ప్రాణం స్వామి.! నువ్వే మా దేవుడని నువ్వు నమ్మే పనిలేదు. మాకు నమ్మించే అక్కర లేదు. సామీ..! ఇది నీ దర్శనం.. ఇది నిదర్శనం’ అంటూ కత్తుల వారి పేట అనే ఏరియాకి చెందిన జనాలు ఈ బ్యానర్ పెట్టడం జరిగింది. ఇక మహేష్ బాబు సర్జెరీ చేయించిన ఆ 3772 కిడ్ ఓ పాప. ఆమె పేరు రిత్విక అని ఆ బ్యానర్లో ఉంది. ప్రస్తుతం దీనికి సంబంధించిన ఫోటో సోషల్ మీడియాలో వైరల్ అవుతుంది.