రామ్ – బోయపాటి శ్రీను కాంబినేషన్లో ‘స్కంద’ మూవీ రూపొందిన సంగతి తెలిసిందే. సెప్టెంబర్ చివర్లో రిలీజ్ అయిన ఈ చిత్రం బాక్సాఫీస్ వద్ద ఓ మోస్తరు ఫలితాన్ని మాత్రమే దక్కించుకుంది. శ్రీలీల ఈ చిత్రంలో హీరోయిన్ గా నటించగా సాయి మంజ్రేకర్ సెకండ్ హీరోయిన్ గా నటించింది. ‘శ్రీనివాస సిల్వర్ స్క్రీన్’ బ్యానర్ పై శ్రీనివాస చిట్టూరి ఈ చిత్రాన్ని నిర్మించగా పవన్ కుమార్ సమర్పకులుగా వ్యవహరించారు. తమన్ ఈ చిత్రానికి బ్యాక్ గ్రౌండ్ స్కోర్ అందించాడు.
సెప్టెంబర్ 28 న ఈ చిత్రం రిలీజ్ అయ్యింది. ఫైనల్ రిజల్ట్ ఎలా ఉన్నా ఓపెనింగ్స్ పరంగా మాత్రం ఈ సినిమా మెప్పించింది. సీక్వెల్ కూడా ఉంటుందని ప్రకటించినప్పటికీ.. అది వర్కౌట్ అయ్యే ఛాన్స్ లు అయితే లేవు. మరో పక్క ఈ చిత్రాన్ని థియేటర్లలో మిస్ అయిన ప్రేక్షకులు… ఓటీటీలో వీక్షించాలని భావిస్తున్నారు. ఈ క్రమంలో ఓటీటీ రిలీజ్ ఇప్పుడా అని ఎదురుచూస్తూ వచ్చారు.
ఫైనల్ గా అక్టోబర్ 27 న ఈ సినిమా (Skanda) ఓటీటీలో స్ట్రీమింగ్ కాబోతున్నట్టు ప్రకటన వచ్చింది. కానీ ఇప్పుడు ఊహించని రీతిలో ఈ సినిమా ఓటీటీ విడుదల పోస్ట్ పోన్ అయినట్టు సమాచారం. టెక్నికల్ ప్రాబ్లమ్ వల్లే ఈ సినిమా ఓటీటీ రిలీజ్ డేట్ మారినట్టు ఇన్సైడ్ టాక్. కానీ చిత్ర బృందం మాత్రం ఈ విషయం పై క్లారిటీ ఇచ్చింది లేదు. చూడాలి మరి..!
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
Home