రామ్‌చరణ్‌ – బుచ్చిబాబు కాంబినేషన్‌లో ఓ సినిమా చాలా రోజుల క్రితమే అనౌన్స్‌ అయ్యింది. అయితే చరణ్‌ – శంకర్‌ల ‘గేమ్‌ ఛేంజర్‌’ సినిమా వాయిదాలు పడుతుండటం వల్ల ఇంకా ఈ సినిమ పట్టాలెక్కలేదు. అయితే ఇప్పుడు ఈ సినిమా పనుల్ని వేగవంతం చేస్తున్నారు. సినిమా నేపథ్యం ఉత్తరాంధ్ర కావడంతో అక్కడి ఔత్సాహిక నటీనటుల్నే తీసుకోవాలని టీమ్‌ ప్లాన్‌ చేస్తోంది. ఈ మేరకు టాలెంట్‌ హంట్‌ కూడా చేస్తున్నారు. ఆఖరికి దర్శకత్వ విభాగంలో కూడా అక్కడి వాళ్లే ఉండాలని అనుకుంటున్నారు.
అయితే, ఈ క్రమంలో ఓ ఆసక్తికర చిక్కు వచ్చి పడింది. అదే ఈ సినిమాలో హీరోయిన్ ఎవరు అని. నిజానికి ఈ సినిమాలో ఇద్దరు హీరోయిన్లు ఉంటారని అంటున్నారు. అయితే ఫస్ట్‌ హీరోయిన్ పాత్ర కోసం సరైన నాయికను తీసుకోవాలని చూస్తున్నారట. ఉత్తరాంధ్ర యాస, భాషకు పర్‌ఫెక్ట్‌గా సూట్‌ అయ్యే హీరోయిన్ కావాలి అనేది బుచ్చిబాబు ఆలోచన అంటున్నారు. ఈ మేరకు సీనియర్‌ నాయికల పేర్లను పరిశీలించిన టీమ్‌… కొత్త నాయికల గురించి కూడా చూస్తున్నారట.
గత రెండు రోజులుగా వస్తున్న పుకార్ల ప్రకారం అయితే ఈ సినిమా కోసం సమంత పేరు పరిశీలనలో ఉంది అనే టాక్‌ వినిపిస్తుంది. అయితే ‘రంగస్థలం’ సినిమాలోనే నేటివిటీకి తగ్గట్టుగా సమంత నటన లేదు అనే విమర్శలు వచ్చాయి. దీంతో ఇప్పుడు ఉత్తరాంధ్ర నేటివిటీ విషయంలో, భాష – యాసలో విషయంలో ఇబ్బంది రాకూడదని కొత్త నాయికను తీసుకుందాం అనుకుంటున్నారట. ఇప్పుడు చరణ్‌కు (Ram Charan) అక్కడి యాస విషయంలో ఇస్తున్న శిక్షణనే హీరోయిన్‌కి కూడా ఇచ్చే ప్రయత్నం చేయొచ్చు అనుకుంటున్నారట.
పూర్తిగా గ్రామీణ ప్రాంతం నేపథ్యంలో సాగబోయే ఈ కథకు సాలిడ్‌ గ్లామర్‌ డాల్‌ ఇమేజ్‌ ఉన్న హీరోయిన్లు సెట్‌ అవ్వరు అని చెప్పొచ్చు. ఒకవేళ ఆ ప్రయత్నం చేసినా బెడిసికొట్టేస్తుంది. కాబట్టి ఎలాంటి ఇమేజ్‌ లేని హీరోయిన్ అయితే బెటర్ అని అనుకుంటున్నారట. త్వరలోనే ఈ విషయంలో క్లారిటీ వచ్చేస్తుందని చెబుతున్నారు. ఇప్పటికే ఈ సినిమాలో హీరోయిన్ అంటూ రవీనా టాండన్‌ తనయ రాషా తడానీ, జాన్వీ కపూర్‌, ఆలియా భట్‌ పేర్లు వినిపించాయి.
అంబాజీపేట మ్యారేజ్ బ్యాండ్ సినిమా రివ్యూ & రేటింగ్!
మిస్ పర్ఫెక్ట్ వెబ్ సిరీస్ రివ్యూ & రేటింగ్!
బూట్‌కట్ బాలరాజు సినిమా రివ్యూ & రేటింగ్!
