ఒకేసారి ఐదు సినిమాలు!

December 24, 2020 / 04:36 PM ISTByFilmy Focus

Join Us

టాలీవుడ్ స్టార్ ప్రొడ్యూసర్ దిల్ రాజు లాక్ డౌన్ అనంతరం వరుస సినిమాలతో చాలా బిజీగా గడుపుతున్నారు. ఆయన ప్రొడక్షన్ లో ప్రస్తుతం ఐదు సినిమాలు రూపొందుతున్నాయి. ఆ ఐదు సినిమాలు ఒకేసారి షూటింగ్ జరుపుకోవడం విశేషం. బుధవారం నాడు ఆయన సినిమాలు వివిధ లొకేషన్స్ లో చిత్రీకరణ జరుపుకున్నాయి. అందులో ముందుగా చెప్పుకోవాల్సింది పవన్ కళ్యాణ్ ‘వకీల్ సాబ్’ సినిమా గురించి. పవన్ తో సినిమా చేయాలని చాలా కాలంగా దిల్ రాజు ఎదురుచూస్తున్నాడు. ఫైనల్ గా ఆ ఛాన్స్ దక్కింది. పవన్ కూడా రెగ్యులర్ షూటింగ్ లో పాల్గొంటున్నాడు.

బుధవారం నాడు కూడా ఆయన షూటింగ్ లో పాల్గొన్నాడు. అలానే రీసెంట్ గా అనౌన్స్ చేసిన ‘ఎఫ్3’ సినిమా కూడా బుధవారం నుండి రెగ్యులర్ షూటింగ్ మొదలుపెట్టింది. హీరో వెంకటేష్ తో కలిసి దర్శకుడు ఆన్ లొకేషన్ లో తీసుకున్న ఫోటోని సోషల్ మీడియాలో షేర్ చేశాడు. అలానే ఇటీవల నాగచైతన్య హీరోగా దర్శకుడు విక్రమ్ కుమార్ ‘థాంక్యూ’ సినిమాను మొదలుపెట్టాడు. ఇది కూడా దిల్ రాజు సినిమానే. ఇవి కాకుండా మరో రెండు చిన్న సినిమాలు దిల్ రాజు లైన్లో పెట్టాడు. అందులో ఒకటి విశ్వక్ సేన్ హీరోగా నటిస్తోన్న ‘పాగల్’.

ఈ సినిమాను బెక్కం వేణుగోపాల్ తో కలిసి దిల్ రాజు నిర్మిస్తున్నారు. ఈ నాలుగు సినిమాలతో పాటు హుషారు ఫేమ్ దర్శకుడు హర్షతో ఓ సినిమాను నిర్మిస్తున్నాడు దిల్ రాజు. ఇలా ఒకేసారి ఐదు సినిమాలు నిర్మాణంలో ఉండడం అంటే మాములు విషయం కాదు. కరోనా కష్టకాలంలో కూడా దిల్ రాజు ఐదు సినిమాలను నిర్మిస్తున్నాడు. అందుకే ఆయన టాలీవుడ్ అగ్ర నిర్మాతగా కొనసాగగలుగుతున్నాడు.