ఇటీవల శేఖర్ కమ్ముల దర్శకత్వంలో ‘లవ్ స్టోరీ’ సినిమాను పూర్తి చేసిన నాగచైతన్య ఇప్పుడు ‘థాంక్యూ’ సినిమాలో నటిస్తున్నాడు. ఈ సినిమాను విక్రమ్ కే కుమార్ డైరెక్ట్ చేస్తుండగా.. దిల్ రాజు నిర్మిస్తున్నారు. ఈ సినిమాలో ఇద్దరు హీరోయిన్లకు చోటుందని తెలుస్తోంది. మెయిన్ హీరోయిన్ పాత్రకు ఎక్కువ ప్రాధాన్యత ఉండడంతో ముందుగా సమంతను ఆ పాత్ర కోసం అనుకుంటే చైతు నో చెప్పాడు. దీంతో దిల్ రాజు స్టార్ హీరోయిన్లను రంగంలోకి దింపాలని చూస్తున్నాడు.
ప్రస్తుతం టాలీవుడ్ లో ఓ రేంజ్ లో క్రేజ్ సంపాదించుకున్న పూజా హెగ్డే, రష్మికలను ఈ సినిమాలో హీరోయిన్లుగా తీసుకోవాలనేది దిల్ రాజు ప్లాన్. దీని తరువాత మార్కెట్ కూడా పెరుగుతుందని భావిస్తున్నాడు. ఈ ఇద్దరిలో కనీసం ఒకరు ఓకే చెప్పినా.. మరో హీరోయిన్ కోసం వేరేవాళ్లని తీసుకోవచ్చు. కానీ దిల్ రాజు మాత్రం ఈ ఇద్దరు భామలను ఒప్పించే ప్రయత్నాలు చేస్తున్నాడట. ప్రస్తుతం ఉన్న పరిస్థితులను బట్టి చూస్తుంటే.. ఈ ఇద్దరు కలిసి ఒక సినిమాలో పని చేయడం అనేది అసాధ్యమైన వ్యవహారమే.
కానీ దిల్ రాజు మాత్రం తన ప్రయత్నాలు ఆపడం లేదు. మరి దిల్ రాజు ఆఫర్ ని ఈ బ్యూటీస్ యాక్సెప్ట్ చేస్తారో లేదో చూడాలి. ప్రస్తుతం ఈ సినిమా షూటింగ్ హైదరాబాద్ లోని అబిడ్స్ ఏరియాలో ఉన్న రామకృష్ణ థియేటర్ లో జరుగుతుంది. ఈ సినిమాలో చైతు.. సూపర్ స్టార్ మహేష్ బాబు ఫ్యాన్ గా కనిపించనున్నారు.
Most Recommended Video
2020 Rewind: కరోనా టైమ్ లో దర్శకుల అరంగేట్రం అదిరింది..!
సోనూసూద్ గొప్ప పనుల నుండీ ప్రభాస్ సినిమాల వరకూ.. 2020 టాప్ 10 ఇవే..!
2020 Rewind: నింగికెగసిన తారలు వీళ్లే..!
