ఏ.ఎన్.ఆర్, నాగార్జున లతో నేను సినిమాలు చెయ్యకుండా ఉండాల్సింది : సుమంత్

అక్కినేని నాగేశ్వర రావు మనవడుగా… ‘కింగ్’ నాగార్జున మేనల్లుడుగా టాలివుడ్ కు ‘ప్రేమకథ’ హీరోగా ఎంట్రీ ఇచ్చాడు సుమంత్. ‘సత్యం’ ‘గౌరి’ ‘మళ్ళీ రావా’ వంటి హిట్ చిత్రాలు ఈయన ఎకౌంటు లో ఉన్నాయి. ‘గోదావరి’ ‘మధుమాసం’ ‘సుబ్రహ్మణ్యపురం’ వంటి యావరేజ్ సినిమాలతో మంచి నటుడుగా అనిపించుకున్నాడు. గతేడాది వచ్చిన ఎన్టీఆర్ బయోపిక్ లో ఇతను తన పాత్ర అక్కినేని నాగేశ్వర రావు పాత్ర పోషించాడు. అయితే కెరీర్ ప్రారంభంలో ఇతని తాతయ్య మరియు మావయ్య లతో సినిమాలు చేసి పెద్ద తప్పు చేశాను అంటూ చెప్పి షాక్ ఇచ్చాడు.

సుమంత్ మాట్లాడుతూ…”మా తాత అక్కినేని నాగేశ్వరరావు, మేనమామ నాగార్జునతో సినిమాలు చేయడం నా జీవితంలో నేను చేసిన పెద్ద తప్పు. నాగార్జునతో కలిసి ‘స్నేహమంటే ఇదేరా’ సినిమా చేశాను.2001లో విడుదలైన ఈ సినిమా ఫ్లాప్ అవుంతుందని .. నాకు ముందే తెలుసు. ఈ సినిమా చేయడం కరెక్ట్ కాదని షూటింగ్ సమయంలోనే అనిపించింది. కానీ ఏమి చేయలేకపోయాను. ఈ సినిమాలో నిజ జీవితంలో మామ అల్లుళ్లమైన మేమిద్దరం సినిమాల్లో స్నేహితులుగా నటించాడాన్ని ప్రేక్షకులు యాక్సెప్ట్ చెయ్యలేకపోయారు. తెలుగులో ఈ స్క్రిప్ట్ కూడా అంత గొప్పగా వర్కౌట్ కాలేదు.‘స్నేహమంటే ఇదేరా’ … మలయాళంలో హిట్టైన ‘ఫ్రెండ్స్’ చిత్రానికి రీమేక్. తర్వాత ఈ చిత్రాన్ని తమిళంలో సూర్య, విజయ్ లు రీమేక్ చేసారు. మలయాళ వెర్షన్‌ డైరెక్ట్ చేసిన సిద్దిక్ అదే ‘ఫ్రెండ్స్’ పేరుతో తమిళ్ లో రీమేక్ చేసాడు. ఈ సినిమా అక్కడ కూడా సూపర్ హిట్టైంది.

అయితే తెలుగులో మాత్రం ఈ సినిమా ఫ్లాప్ అయ్యింది. ఈ చిత్రంలో చిన మావయ్య నేను స్నేహితులుగా.. అందులోనూ బావ బావమరుదులు అంటే.. మా బంధాన్ని ప్రేక్షకులు జీర్ణించుకోలేకపోయారు. ఆ విషయం నాకు షూటింగ్ చేస్తున్నప్పుడే అర్ధమైనా.. బయటకు మాత్రం చెప్పలేకపోయాను. అందులోనూ.. మావయ్యతో రెండు సూపర్ హిట్స్ ఇచ్చిన సూపర్ గుడ్ ఫిల్మ్స్ వాళ్లు ఈ సినిమా నిర్మిస్తారని మొదట చెప్పారు కాబట్టి ఓకే చెప్పేసాను. మేనల్లుడైన నేను… మేనమామ అయిన నాగార్జునను కొట్టేసీన్ ఉంది. ఆ సన్నివేశం తీసేటపుడు నాకు చాలా బాద వేసింది.అందుకే ఆ సినిమా చేయడం నేను జీవితంలో చేసిన పెద్ద తప్పు అని ఫీలవుతూ ఉంటాను.ఒక్క చిన మావయ్యతోనే కాదు..తాతయ్య నాగేశ్వరరావుతో ‘పెళ్లి సంబంధం’ సినిమా చేశాను. డైరెక్టర్ రాఘవేంద్రరావు గారు బలవంతం చేయడంతో ఆ సినిమా చేశాను. కానీ ఆ సినిమా బాక్సాఫీస్ దగ్గర ఫ్లాప్ అయ్యింది. తాతయ్య, మామయ్యతో స్క్రీన్ షేర్ చేసుకోవాలనే ఆరాటంతో నేను ఆ సినిమాలు చేశాను. కానీ స్క్రిప్ట్‌ల విషయంలో సరిగా చెక్ చేసుకోలేదు” అంటూ చెప్పుకొచ్చాడు.

Most Recommended Video

అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!