‘వకీల్ సాబ్’లో పవన్ తాగుబోతు గెటప్!

పవర్ స్టార్ పవన్ కళ్యాణ్ పచ్చి తాగుబోతుగా మారిపోయాడు. రాత్రిపగలు అనే తేడా లేకుండా తాగుతూనే ఉంటున్నాడట. పవన్ ఇంత తాగుబోతుగా మారిపోయింది ‘వకీల్ సాబ్’ సినిమా కోసమని తెలుస్తోంది. ఈ సినిమాలో పవన్ కళ్యాణ్ లాయర్ గా కనిపించబోతున్నాడనే సంగతి తెలిసిందే. దీనికి సంబంధించిన ఫస్ట్ లుక్, మోషన్ పోస్టర్లు కూడా వచ్చేశాయి. అయితే ఈ సినిమాలో పవన్ కి మరో షేడ్ కూడా ఉందట. అదే తాగుబోతు అవతారం. సినిమాలో పవన్ ను పరిచయం చేయడమే ఇలా తాగుబోతుగా పరిచయం చేయబోతున్నారట.

నిజానికి ఈ కోణాన్ని సీక్రెట్ గా ఉంచాలని యూనిట్ అనుకోవడం లేదట. సంక్రాంతికి విడుదల చేయబోతున్న టీజర్ లో కూడా ఈ గెటప్ ని కొద్దిగా చూపించబోతున్నారని సమాచారం. పవన్ గతంలో నటించిన ‘జల్సా’, ‘గుడుంబా శంకర్’, ‘ఖుషీ’, ‘బద్రి’ లాంటి సినిమాల్లో తాగుబోతు సన్నివేశాల్లో నటించాడు. అయితే అందులో తాగి కామెడీ చేశాడు. ఆ సీన్లు సినిమాలకు హైలైట్ గా నిలిచాయి. మరి ‘వకీల్ సాబ్’లో తాగుబోతు గెటప్ లో పవన్ కామెడీ పండించాడా..? లేక సీరియస్ గా కనిపిస్తాడా..? అనేది తెలియాల్సివుంది.

హిందీ సూపర్ హిట్ ఫిలిం ‘పింక్’ కు రీమేక్‌గా వస్తోన్న ఈ సినిమాకు వేణు శ్రీరామ్ దర్శకత్వం వహిస్తున్నారు. దిల్ రాజు, బోనీ కపూర్ సంయుక్తంగా నిర్మిస్తున్నారు. లాక్‌డౌన్ కారణంగా సుమారు ఆరు నెలలు ఆగిపోయిన ‘వకీల్ సాబ్’ షూటింగ్ అక్టోబర్ నెలలోనే మొదలైంది. దాదాపు ఇరవై రోజులు పాటు పవన్ సినిమా షూటింగ్ లో పాల్గొన్నారు.

Most Recommended Video

2020 Rewind: ఈ ఏడాది డిజాస్టర్ సినిమాలు ఇవే..!
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!