SSMB28: మహేష్ – త్రివిక్రమ్ ల మూవీ రెగ్యులర్ షూటింగ్ మొదలైంది..!

ఎన్నో అవాంతరాల తర్వాత … మహేష్- త్రివిక్రమ్ ల కొత్త సినిమా షూటింగ్ ప్రారంభమైంది. మహేష్ కు ఇది 28 వ సినిమా కాబట్టి… ‘ఎస్.ఎస్.ఎం.బి 28’ వర్కింగ్ టైటిల్ తో ఈ చిత్రం సెట్స్ పైకి వెళ్ళింది. జనవరి 18న అంటే ఈరోజు ఈ చిత్రానికి సంబంధించిన భారీ యాక్షన్ ఎపిసోడ్ చిత్రీకరణకు శ్రీకారం చుట్టినట్టు తెలుస్తుంది. రెండు వారాల పాటు ఈ యాక్షన్ ఎపిసోడ్ ను చిత్రీకరించనున్నారు. గతంలో కూడా ఓ యాక్షన్ ఎపిసోడ్ ను చిత్రీకరించారు.

కానీ ఆ తర్వాత స్క్రిప్ట్ లో పలు మార్పులు చేర్పులు చేయడంతో పాటు మహేష్ లుక్ కూడా మార్చడంతో ఇప్పుడు మళ్ళీ కొత్తగా మొదలుపెట్టారు అని వినికిడి. ఇక ఈరోజు షూటింగ్ కు సంబంధించి ఓ ఆన్ లొకేషన్ పిక్ వైరల్ గా మారింది. పొడవాటి జుట్టు, గుబురు గడ్డంతో మహేష్ ఈ చిత్రంలో కనిపించబోతున్నట్టు తెలుస్తుంది.కానీ లీకైన పిక్ లో మహేష్ ఫేస్ రివీల్ కాలేదు.అయినా వెనక నుండి చూసినా… మహేష్ ఈ సినిమాలో సాలిడ్ గా కనిపిస్తాడు అని స్పష్టమవుతుంది.

పూజా హెగ్డే, శ్రీలీల హీరోయిన్లుగా నటిస్తున్నారు. సాయి రోనక్ అనే యంగ్ హీరో కూడా ఈ సినిమాలో ఓ ఇంపార్టెంట్ రోల్ ప్లే చేస్తున్నాడు. ‘అతడు’ ‘ఖలేజా’ వంటి చిత్రాల తర్వాత మహేష్- త్రివిక్రమ్ కాంబోలో రూపుదిద్దుకుంటున్న మూవీ ఇది. ఆ సినిమా అంతంతమాత్రంగానే ఆడాయి. కాబట్టి ఈ మూడో సినిమా అయినా ప్రేక్షకులను అలరించి బ్లాక్ బస్టర్ గా నిలుస్తుందేమో చూడాలి.

వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!

‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?