మహేష్ బాబు, కీర్తి సురేష్ జంటగా నటిస్తున్న ‘సర్కారు వారి పాట’ చిత్రం మే 12న విడుదల కాబోతుంది. పరశురామ్(బుజ్జి) దర్శకత్వం వహించిన ఈ చిత్రానికి తమన్ సంగీత దర్శకుడు. ‘మైత్రి మూవీ మేకర్స్’ ’14 రీల్స్ ప్లస్’ సంస్థలు కలిసి నిర్మిస్తున్న ఈ చిత్రానికి మహేష్ బాబు సహా నిర్మాతగా వ్యవహరిస్తున్నారు. ‘కళావతి’ ‘పెన్నీ’ ‘సర్కారు వారి పాట’ ‘మ మ మహేషా’ వంటి పాటలు హిట్ అవ్వడం ట్రైలర్ కూడా ఆకట్టుకోవడంతో సినిమా పై భారీ అంచనాలు నెలకొన్నాయి.
విడుదలకి మరో 3 రోజులు మాత్రమే టైం ఉంది. ప్రమోషన్లు చాలా స్లోగా జరుగుతున్నాయి. మరో పక్క పెద్ద సినిమా కథా అని టికెట్ రేట్లు కూడా పెంచేశారు. అయినప్పటికీ ఈ మూవీ అడ్వాన్స్ బుకింగ్స్ ‘బుక్ మై షో’ ని షేక్ చేస్తున్నాయి. కొద్దిసేపటి క్రితం ‘సర్కారు వారి పాట’ బుకింగ్స్ ఓపెన్ అయ్యాయి. అయితే అవన్నీ నిమిషాల్లోనే సోల్డౌట్ అయిపోతుండడం విశేషం. ఈ ఏడాది కరెక్ట్ మాస్ సినిమా పడి చాలా కాలం అవుతుంది.
‘భీమ్లా’ ‘రాధే శ్యామ్’ ‘ఆర్.ఆర్.ఆర్’ ‘ఆచార్య’ ‘కె.జి.ఎఫ్2’ ఈ సినిమాలన్నీ సీరియస్ డ్రామాలు. అయితే ‘సర్కారు వారి పాట’ అన్ని వర్గాల ప్రేక్షకుల్ని అలరించే విధంగా ఉంటుందనే నమ్మకం ట్రైలర్ కల్పించింది. ఈ మాస్ బుకింగ్స్ కు కారణం కూడా అదే అయ్యుండొచ్చు. అంతేకాకుండా మరో పక్క పరీక్షలు పూర్తవుతున్నాయి.
చాలా మంది విద్యార్థులకు సెలవులు కూడా వచ్చేస్తుండడం ఈ మూవీకి కలిసొచ్చే అంశమని చెప్పొచ్చు.సమ్మర్ హాలిడేస్ అడ్వాంటేజ్ కు… సినిమాకి ఏమాత్రం పాజిటివ్ టాక్ వచ్చినా.. బాక్సాఫీస్ వద్ద కాసుల వర్షం కురవడం గ్యారెంటీ అనడంలో అతిశయోక్తి ఉండదు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
