Game Changer: ‘గేమ్‌ ఛేంజర్‌’ నిడివి విషయంలో షాకిచ్చిన శంకర్‌… ఏమైందంటే?

శంకర్‌ (Shankar)  సినిమాలు అంటే భారీతనం పక్కా. అది సినిమా ఖర్చు, కాస్ట్ అండ్‌ క్రూ విషయంలోనే కాదు.. సినిమా నిడివిలోనూ ఉంటుంది. గత కొన్నేళ్లుగా ఆయన నుండది వస్తున్న సినిమాలను చూస్తే ఎవరైనా ఈ మాట చెప్పేస్తారు. ఆయన బడ్జెట్‌ విషయంలో ఒక అడుగు వెనక్కి వేసి ఉండొచ్చు కానీ.. నిడివి విషయంలో మాత్రం ఎప్పుడూ వెనకడుగు వేయలేదు. అయితే ‘గేమ్‌ ఛేంజర్‌’(Game Changer) కోసం ఆయన ఈ పని చేశారు అని చెబుతున్నారు.

Game Changer

‘గేమ్‌ ఛేంజర్‌’ సినిమా ఫైనల్‌ నిడివి ఎంత అనే విషయంలో దాదాపు ఓ క్లారిటీకి వచ్చారు అని తెలుస్తోంది. ఓవర్సీస్‌లో సినిమా అడ్వాన్స్డ్‌ బుకింగ్స్‌ నేపథ్యంలో సినిమా నిడివి విషయం బయటకు వచ్చింది. అనూహ్యంగా సినిమా ఫైనల్‌ కట్‌ 2 గంటల 40 నిమిషాలు ఉండేలా చూసుకుంటున్నారు అని తెలుస్తోంది. ఓ ఐదారు నిమిషాలు అటు ఇటు ఉండొచ్చు అని కూడా అంటున్నారు. ఒకవేళ ఇదే జరిగితే ఇటీవల కాలంలో ఇదే తక్కువ అనొచ్చు.

మొన్నీమధ్యే వచ్చిన ‘పుష్ప: ది రూల్‌’ (Pushpa 2: The Rule) నిడివి ఏకంగా 3 గంటల 20 నిమిషాలకు పైనే. ఈ క్రమంలో కొంతమంది ప్రేక్షకులు నిడివి విషయంలో ఇబ్బంది పడ్డారు అని గుసగుసలు వినిపించాయి. ఈ నేపథ్యంలో ‘గేమ్ ఛేంజర్‌’ విషయంలో ఎలాంటి నిర్ణయం తీసుకుంటారో, శంకర్‌ స్టైల్‌లోనే ఆలోచిస్తారా? అనే ప్రశ్నలు వచ్చాయి. ఆ ఫీడ్‌ బ్యాక్‌ వల్లనో లేక ఇంకే కారణమో కానీ సినిమా నిడివి అయితే తక్కువ ఉండేలా చూసుకుంటున్నారట.

ఇక ‘గేమ్‌ ఛేంజర్‌’ సినిమా విషయానికొస్తే.. వచ్చే జనవరి 10న విడుదల చేయబోతున్నారు. ఈ మేరకు ఈ నెల 21న అమెరికాలో ప్రీరిలీజ్‌ ఈవెంట్‌ను కూడా నిర్వహిస్తున్నారు. ఆ కార్యక్రమానికి ప్రముఖ దర్శకుడు సుకుమార్‌  (Sukumar) ముఖ్య అతిథిగా విచ్చేస్తున్నారు. ఆ తర్వాత మన దేశంలో కూడా భారీగా ప్రచారం చేయనున్నారు.

రజనీకాంత్‌ ‘కూలీ’ పాట వెనుక శింబు తండ్రి… ఆ కథ తెలుసా?