విజయ్ దేవరకొండ సినిమాకి కొత్త టైటిల్!

పెళ్లి చూపులు సినిమాతో సూపర్ హిట్  కొట్టిన యంగ్ హీరో విజయ్ దేవరకొండ.. ఆ తరువాత అర్జున్ రెడ్డి సినిమాతో సంచలనం సృష్టించాడు. అనేక విమర్శలు ఎదుర్కొని టాలీవుడ్ లో హాట్ టాపిక్ గా మారాడు. ఆ సినిమా ఇచ్చిన విజయంతో అనేక సినిమాలకు సైన్ చేశాడు. వచ్చే ఏడాది వరుసగా అతని సినిమాలు రిలీజ్ కానున్నాయి. ముందుగా యువ దర్శకుడు రాహుల్ సంక్రిత్యాన్ దర్శకత్వంలో తెరకెక్కనున్న సినిమా విడుదల కానుంది. దాదాపు ప్రొడక్షన్ వర్క్ కంప్లీట్ చేసుకున్న ఈ చిత్రానికి టైటిల్ వద్ద  కొంచెం తికమక పడుతున్నారు. ప్రముఖ నిర్మాణ సంస్థలు గీతా ఆర్ట్స్, యువీ క్రియేషన్స్ బ్యానర్స్ సంయుక్తంగా నిర్మిస్తున్న ఈ సినిమాకు  షికారు అనే టైటిల్ పెట్టాలని అనుకున్నారు.

కొంచెం ఓల్డ్ గా ఉంటుందని టాక్సీ వాలా అనే పేరును పరిశీలిస్తున్నారు. ఈ చిత్రంలో విజయ్ క్యాబ్ డ్రైవర్ గా నటిస్తున్నాడు. ఈ టైటిల్ బాగా సూట్ అవుతుందని చిత్ర బృందం భావిస్తోంది. హీరోయిన్ గా ప్రియాంక జవల్కర్ నటిస్తున్న ఈ మూవీ జనవరిలో రిలీజ్ కానుంది. అర్జున్ రెడ్డి సినిమా తర్వాత విజయ్ చేస్తున్న మూవీ కావడంతో దీనిపై భారీ అంచనాలున్నాయి. ఈ చిత్రం తర్వాత విజయ్ పరశురామ్ దర్శకత్వంలో ఓ సినిమా, క్రాంతి మాధవ్ దర్శకత్వంలో మరో సినిమా చేయడానికి రెడీగా ఉన్నాడు.