మెగాస్టార్ చిరంజీవి (Megastar Chiranjeevi) సినిమాకు సంబంధించి ఏదైనా అప్ డేట్ వస్తే ఆ అప్ డేట్ క్షణాల్లో వైరల్ అవుతోంది. చిరంజీవి విశ్వంభర (Vishwambhara) సినిమాకు సంబంధించి తాజాగా ఒక షాకింగ్ అప్ డేట్ వచ్చింది. మల్లిడి వశిష్ట (Vassishtha) డైరెక్షన్ లో ఈ సినిమా తెరకెక్కుతుండగా త్రిష (Trisha) ఈ సినిమాలో హీరోయిన్ గా నటిస్తున్నారు. ప్రస్తుతం ఈ సినిమాకు సంబంధించి అదిరిపోయే యాక్షన్ సీక్వెన్స్ షూట్ జరుగుతోందని తెలుస్తోంది. అల్యూమినియం ఫ్యాక్టరీలో యాక్షన్ సీన్ షూట్ జరుగుతోందని భోగట్టా.
రామ్ లక్ష్మణ్ పర్యవేక్షణలో ఈ ఫైట్ సీన్ షూట్ జరుగుతోందని ప్రేక్షకులకు మరింత థ్రిల్ పంచేలా ఈ యాక్షన్ సీన్స్ ఉంటాయని సమాచారం అందుతోంది. ఈ సినిమా కోసం 13 భారీ సెట్లను నిర్మించారని భోగట్టా. ఈ సినిమాలో చిరంజీవి సరికొత్త లుక్ లో కనిపించనున్నారని తెలుస్తోంది. 200 కోట్ల రూపాయల కంటే ఎక్కువ మొత్తం బడ్జెట్ తో ఈ సినిమా తెరకెక్కుతోంది. ఈ యాక్షన్ సీక్వెన్స్ సినిమాకే హైలెట్ కానుందని తెలుస్తోంది.
అత్యుత్తమ టెక్నాలజీతో ఈ సినిమా తెరకెక్కుతోందని భోగట్టా. ఈ సినిమాలో విజువల్ ఎఫెక్స్ట్ కు ఎక్కువగా ప్రాధాన్యత ఉండనుందని సమాచారం అందుతోంది. స్టార్ మ్యూజిక్ డైరెక్టర్ కీరవాణి (M. M. Keeravani) ఈ సినిమాకు మ్యూజిక్ అందిస్తున్నారు. 2025 జనవరి నెల 10వ తేదీన ఈ సినిమా థియేటర్లలో విడుదల కానుండటం గమనార్హం. ఈ సినిమాకు సంబంధించి త్వరలో మరిన్ని క్రేజీ అప్ డేట్స్ రానున్నాయి.
బింబిసార (Bimbisara) సినిమాతో సక్సెస్ సాధించిన మల్లిడి వశిష్ట విశ్వంభర సినిమాతో ద్వితీయ విఘ్నం సెంటిమెంట్ ను సైతం బ్రేక్ చేయాలని ఫ్యాన్స్ కోరుకుంటున్నారు. మల్లిడి వశిష్ట సైతం ఈ సినిమా కోసం రేయింబవళ్లు కష్టపడుతున్నారని ఈ సినిమా ప్రేక్షకులకు అద్భుతమైన అనుభూతిని పంచేలా ఉండనుందని తెలుస్తోంది. విశ్వంభర ఏ రేంజ్ లో ప్రేక్షకులను మెప్పిస్తుందో చూడాల్సి ఉంది. చిరంజీవి క్రేజ్ అంతకంతకూ పెరుగుతోంది.
