Mahesh Babu: మరో స్పెషల్ వస్తోంది… ఆ రోజే మహేష్‌ సినిమా ముహూర్తం ఉంటుందా?

మహేష్‌ బాబు సినిమాలకు సంబంధించి అప్‌డేట్స్‌ కోసం ఆయన ఫ్యాన్స్‌ తెగ వెయిట్‌ చేస్తున్నారు. త్రివిక్రమ్‌ సినిమా గురించి కళ్లు కాయలు కాచేలా ఎదురుచూసి.. ఇటీవల ‘గుంటూరు కారం’ అంటూ ఫీస్ట్‌ ఇచ్చి ఆ కష్టాన్ని మరిపించారు. దీంతో ఇప్పుడు ఫ్యాన్స్‌ చూపు తర్వాతి సినిమా మీద పడింది. అదే రాజమౌళి సినిమా. ప్రతిష్ఠాత్మకం అనేది చిన్న మాట అవ్వొచ్చు ఆ సినిమాకు.. అందుకే అంతకుమించి అనే రీతిలో తెరకెక్కుతున్న సినిమా అనొచ్చు. అందుకే ఈ సినిమా అప్‌డేట్ కోసం ఎదురుచూస్తున్నారు.

అలాంటి వారిలో మీరు కూడా ఉన్నట్లయితే ఈ బంపర్‌ న్యూస్‌ మీ కోసమే. రాజమౌళి సినిమా ప్రారంభానికి ఆల్‌మోస్ట్‌ డేట్‌ ఫిక్స్‌ అయిపోయింది అని అంటున్నారు. మహేష్‌కు, ఆయన ఫ్యాన్స్‌కు స్పెషల్‌ డేట్‌ అయిన ఆగస్టు 9న ఆ ముహూర్తం అని చెబుతున్నారు. ఆ డేట్‌ స్పెషాలిటీ ఏంటో మీకు ప్రత్యేకంగా చెప్పక్కర్లేదు అనుకుంటాం. ఆ రోజు సూపర్‌స్టార్‌ బర్త్‌డే. అందుకే అప్పుడు సినిమా ప్రారంభిస్తారు. లేదంటే ఆ నేపథ్యంలో దగ్గరలోని డేట్‌ అనౌన్స్‌ చేస్తారు అంటున్నారు.

‘ఆర్ఆర్ఆర్’ సినిమా రిలీజ్ త‌ర్వాత కొన్ని నెల‌ల పాటు ఆ సినిమాను అంత‌ర్జాతీయ స్థాయికి తీసుకెళ్లే ప‌నిలో బిజీగా ఉండటంతో రాజమౌళి… మ‌హేష్ సినిమా ప‌ని మొద‌లుపెట్ట‌లేదు. అయితే కొన్ని నెల‌ల కింద‌టే ఈ సినిమా స్క్రిప్టు ప‌నుల‌తో పాటు ప్రీ ప్రొడ‌క్ష‌న్ ప‌నులు మొద‌ల‌య్యాయి. త్వరలో వాటిని పూర్తి చేస్తారట. ఈ లోపు సినిమాకు కొబ్బరికాయ కొట్టాలని చూస్తున్నారట. అందుకే ఆగస్టు 9 అనుకుంటున్నారని టాక్‌.

అయితే త‌న సినిమాల ముహూర్త వేడుక‌ల‌కు (Mahesh Babu) మ‌హేష్ బాబు హాజరవ్వడం లేదు. గతంలో ఎప్పుడో వచ్చేవాడు కానీ ఇప్పుడు అస్సలు రావడం లేదు. మరి ఈ సినిమాకైనా వస్తాడో రాడో చూడాలి. ఇంత పెద్ద సినిమా ఓపెనింగ్‌ మహేష్‌ లేకుండా అయితే బాగుండదు. మరి మహేష్‌ను ఒప్పించే బాధ్యత ఎవరు తీసుకుంటారో చూడాలి.

టక్కర్ సినిమా రివ్యూ & రేటింగ్!
ప్రేక్షకులను థియేటర్ కు రప్పించిన సినిమాలు ఇవే..!

అత్యధికంగా రెమ్యునరేషన్ తీసుకుంటున్న మ్యూజిక్ డైరెక్టర్లు వీళ్లేనా..!/a>
కలెక్షన్లలో దూసుకుపోతున్న లేడీ ఓరియంటల్ సినిమాలు ఇవే!