నాగశౌర్య తెలివి మాములుగా లేదుగా..!

అవును.. యంగ్ హీరో నాగశౌర్య తెలివితేటలు మాములుగా లేవు. ఓ ఆరాటపడిపోయి పెద్ద రేంజ్ లో సినిమాలు తీసేసి రాత్రికి రాత్రే.. స్టార్ హీరో అయిపోవాలని తహతహలాడిపోడు. సింపుల్ గా తనకు సెట్ అయ్యే సినిమాలనే చేస్తుంటాడు. అలాగని రొటీన్ కథలు మాత్రమే చేసి బోర్ కొట్టించడు. అందరి హీరోల అభిమానులకి ఈ కుర్ర హీరో సినిమాలంటే ఇష్టం. పొడుగ్గా ఎంతో అందంగా కనిపించే ఈ కుర్ర హీరోకి అమ్మాయిల ఫాలోయింగ్ కూడా ఎక్కువే. ఇదిలా ఉంటే.. ‘ఓ బేబీ’ చిత్రం తర్వాత నాగ శౌర్య నటిస్తున్న తాజా చిత్రం ‘‘అశ్వథ్థామ’’. రమణ తేజ డైరెక్షన్లో తెరకెక్కిన ఈ చిత్రం జనవరి 31న విడుదల కాబోతుంది.

ఈ చిత్రానికి హీరో నాగ శౌర్యనే కథ అందించడం విశేషం. తన స్నేహితుడి జీవితంలో జరిగిన ఓ సంఘటనను ఆధారం చేసుకుని ఈ కథ రెడీ చేసుకున్నాడు. ఇక ఈ చిత్రం హిట్ అయితే మిగిలిన హీరోలకి కూడా ఈ కుర్ర హీరో కథలు అందిస్తాడట. అంతేకాదు తన హోమ్ బ్యానర్ అయిన ‘ఐరా క్రియేషన్స్’ పైనే ఆ సినిమాల్ని నిర్మిస్తానని చెబుతున్నాడు. సో ఈ చిత్రం హిట్ అయితే ఆయనకి రెండు రకాలుగా లాభం ఉంటుంది. ఇక ‘సాహో’ ‘రాక్షసుడు’ వంటి చిత్రాలకి బ్యాక్ గ్రౌండ్ మ్యూజిక్ అందించిన జిబ్రాన్… ‘‘అశ్వథ్థామ’’ చిత్రానికి కూడా బ్యాక్ గ్రౌండ్ స్కోర్ అందించడం మరో ఆకర్షించే అంశం అని చెప్పాలి.

డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!